掃呢頁CODE去手機

2016年12月1日 星期四

羅霖半島帶仔湊鬼 [壹週刊 - 1395] __,羅霖,M1,

羅霖同洋腸笑晒離開酒店,呢餐飯明顯感情增進不少。同你吟一吟羅霖半島帶仔湊鬼早排自爆有個細廿年的富二代男友J君的羅霖,嗰頭話隨時閃婚,轉頭又嫌對方太管束,感情轉淡。Sowhat!成個森林等住羅auntie,話咁快已經有個6呎小鮮肉陪去北京出席鍾麗緹婚禮,轉個頭仲有成熟穩重的洋漢殺埋身。早前洋漢新歡請去半島食燭光晚餐,增進感情,羅auntie帶埋大仔劉子榕出席,無他,雙方想更進一步了解,囝囝嗰關至重要 ...


羅霖同洋腸笑晒離開酒店,呢餐飯明顯感情增進不少。

同你吟一吟

羅霖半島帶仔湊鬼

早排自爆有個細廿年的富二代男友 J君的羅霖,嗰頭話隨時閃婚,轉頭又嫌對方太管束,感情轉淡。 So what!成個森林等住羅 auntie,話咁快已經有個 6呎小鮮肉陪去北京出席鍾麗緹婚禮,轉個頭仲有成熟穩重的洋漢殺埋身。

早前洋漢新歡請去半島食燭光晚餐,增進感情,羅 auntie帶埋大仔劉子榕出席,無他,雙方想更進一步了解,囝囝嗰關至重要,三人飯局食足三小時,接近 11時結伴離開,羅 auntie春風滿面,洋漢同囝囝又有講有笑,兩個發展成為拖友指日可待。

廿歲的子榕是夜做電燈膽陪媽咪會新歡。

洋漢好 gentleman,先讓羅霖母子上車,再親自護送兩人離開。

早前羅霖孖住新歡 J君於法國影婚紗相。

事業心同事業線一樣強的羅霖,以超平騷價拍大台《深宮計》,同劉心悠、周秀娜及陳煒鬥戲。

51歲羅霖保養得極好,風韻猶存的她吸引到小鮮肉外,連老外都對佢有興趣。

撰文︰八珍


鍾意就快D Share啦!