掃呢頁CODE去手機

2016年12月8日 星期四

保鏢陪睇戲 李嘉誠 10歲長孫鍾情巴塞 [壹週刊 - 1396] __,李嘉誠,M1,

王儷橋同阿仔Michael,以及幾個同學與家長一齊去睇戲。名人動態保鏢陪睇戲 李嘉誠10歲長孫鍾情巴塞香港首富李嘉誠擁有過千億資產,88歲的他近年積極將公司重組,似為長子李澤鉅接棒鋪路。而身為長子嫡孫,李澤鉅獨子李長禧(Michael),06年出世以來一直極少曝光,為收埋金笸籮,就連每年1月1日,李家總動員去拜祭李嘉誠亡妻莊月明的家庭活動,Michael都可以免役。日前本刊就發現已經十歲大的Mic ...


王儷橋同阿仔 Michael,以及幾個同學與家長一齊去睇戲。

名人動態

保鏢陪睇戲 李嘉誠 10歲長孫鍾情巴塞

香港首富李嘉誠擁有過千億資產, 88歲的他近年積極將公司重組,似為長子李澤鉅接棒鋪路。

而身為長子嫡孫,李澤鉅獨子李長禧( Michael), 06年出世以來一直極少曝光,為收埋金笸籮,就連每年 1月 1日,李家總動員去拜祭李嘉誠亡妻莊月明的家庭活動, Michael都可以免役。

日前本刊就發現已經十歲大的 Michael,同媽咪王儷橋(前名王富信),以及幾個朋友仔去數碼港睇戲,李超人長孫出巡,保鏢金睛火眼,跟到實。

長孫有特權

李嘉誠的長孫仔李長禧( Michael)已經十歲,一直以來,李家上下對這名長子嫡孫採取高度保護,由○六年出世至今,極少曝光;為免傳媒影到金笸籮的廬山真面目, Michael更獲爺爺李嘉誠特許,每年一月一日到柴灣香港佛教墳場,拜祭亡妻莊月明的重要家庭活動, Michael可以免役。

「李生(李嘉誠)好重視太太(莊月明)死忌,每年一月一日都要全家人去拜祭, Richard(李澤楷)嗰三個仔,因為唔喺香港所以可以豁免, Victor(李澤鉅)三個女每年都要去,不過每次都戴晒眼鏡同口罩遮面,唔俾個樣曝光,唯獨細佬 Michael仔可以唔出現,因為明知一定有記者,免得俾人影到個樣。」知情者說。

每年一月一日李家上下都要去拜山,但為了唔想 Michael曝光,所以李嘉誠批准乖孫唔需要出席,但三個孫女就無得例外。

李嘉誠近年將公司重組,大仔李澤鉅是「千億王國」接班人。

打扮樸實

Michael是千億長孫,但十歲大已有社交生活,日前他便與母親王儷橋,以及幾個朋友仔及家長,一齊去了數碼港睇戲。現場所見, Michael生得比同齡小朋友高大,已經高到媽咪的膊頭位置,樣子似老豆李澤鉅,只見他全程黐住朋友仔有講有笑,表現活潑。

入場前, Michael先去買飲品小食,其中有個家長買了爆谷,王儷橋一粒接一粒,食唔停口,反而囝囝 Michael唔心急,只攞住食物等入場。雖然是小朋友 gathering,但全程都有保鏢貼身保護千億長孫。

作為李家長子嫡孫, Michael打扮相當樸實,身穿一件自訂巴塞球衣,背後印了英文名字「 Michael」,這件球衣大約需五百元,至於他孭的 Fjallraven Kanken背囊是瑞典品牌,亦只需七百三十元,手上戴住隻粉藍色膠錶,亦非名牌貴嘢。

Michael係巴塞 fans,著住件印有自己英文名自訂球衣。

貴為李家金笸籮,保鏢要全天候貼身保護。

王儷橋打扮得相當樸實,將「千億新抱」身份完全隱藏。

王儷橋比阿仔更為食,入場前已不停食另一個家長手中的爆谷。

帶保鏢返學

據了解,今年在漢基國際學校讀 P3的 Michael,在學校都非常低調,甚少參加校內的課外活動,不過他鍾情足球運動,更是巴塞忠實粉絲。

由於 Michael身份特殊,所以學校特別批准他可以帶保鏢一齊返學,貼身保護。據知,當年李嘉誠為想乖孫同李澤鉅、李澤楷一樣入讀聖保羅男女校,李家曾經捐了九千萬給學校,但由於學校堅拒讓李長禧帶保鏢返學,安全至上的李嘉誠,才改變主意。

個個家長都有參加親子活動,但王儷橋就沒有參加,搵了一個高年班同學同 Michael一齊玩。

王儷橋只係離遠攞住部相機,幫阿仔影相。

一向低調的王儷橋,甚少參加 Michael學校所舉辦活動,但 11年她有出席阿仔學校的運動日。

93年李澤鉅娶了王富信,連生三胎都係女,直到改名為王儷橋後,就生了 Michael。

Michael與李澤鉅的童年樣極為相似,十足餅印一樣。

李家繼承人

要承傳李嘉誠的千億王國,李家兩子努力開枝散葉。長子李澤鉅和王儷橋先後誕下三女一子,而次子李澤楷亦不甘示弱,與前女友梁洛施,先後誕下三名男孫,令李家第三代繼承人增至七名。

三個孫女

王儷橋(前名王富信), 93年下嫁李家長子李澤鉅, 96年誕下長女李燕寧( Michelle), 00年再度有喜,誕下次女李思穎; 04年幼女出世,愛孫深切的爺爺李嘉誠,更聘請廿多名保鏢,組成護「孫」團。

大女李燕寧

二女李思穎

三女李燕容

長孫「李長禧」

連生三女,王儷橋一追再追, 06年,成功為李家添丁,誕下第一個男孫李長禧,爺爺李嘉誠即向地政署申請擴建李家大宅,迎接長孫仔出世。

次孫「李長治」

08年,李澤楷與梁洛施秘密撻着,拍拖年多火速造人成功,梁洛施一索得男,未婚為李家誕下次孫「李長治」。

孫起孖

10年,梁洛施再為李澤楷誕下一對孖仔後, 11年,二人發聲明宣布分手。

撰文、攝影、攝錄:娛樂組


鍾意就快D Share啦!