掃呢頁CODE去手機

2016年11月25日 星期五

郭晉安 7千萬物業 歐倩怡第三胎照冇嘢過手 [壹週刊 - 1394] __,歐倩怡,郭晉安,M1,

難得唔使開工,郭晉安都會幫輕老婆,負責去接阿仔放學。探熱針郭晉安7千萬物業 歐倩怡第三胎照冇嘢過手郭晉安在新劇《致命復活》激減二十磅,扮野人生吞蛇同青蛙,搏晒老命目的就係想搏攞第四次視帝。不過原來安仔已經中了獎,最近發現他老婆歐倩怡肚凸凸,行路又掗吓掗吓,孕味極濃,個肚大到似佗住五個月身紀。不過,結婚十年追生到第三個小朋友,郭晉安對老婆都係採取唔過錢政策,他搵埋搵埋現在共持有五個物業,市值約七千萬 ...


難得唔使開工,郭晉安都會幫輕老婆,負責去接阿仔放學。

探熱針

郭晉安 7千萬物業 歐倩怡第三胎照冇嘢過手

郭晉安在新劇《致命復活》激減二十磅,扮野人生吞蛇同青蛙,搏晒老命目的就係想搏攞第四次視帝。

不過原來安仔已經中了獎,最近發現他老婆歐倩怡肚凸凸,行路又掗吓掗吓,孕味極濃,個肚大到似佗住五個月身紀。

不過,結婚十年追生到第三個小朋友,郭晉安對老婆都係採取唔過錢政策,他搵埋搵埋現在共持有五個物業,市值約七千萬,全部都冇落歐倩怡名,淨係 12年買了架價值五十多萬寶馬,用了歐倩怡個名做登記。

肚凸凸湊女

郭晉安同歐倩怡結婚十年,已經生了一仔一女,但最近有消息指歐倩怡又再有喜,已經佗住五個月 BB,早兩星期就發現肚凸凸的歐倩怡帶住女兒郭以雅( Blair)到西貢公園玩。

當日歐倩怡著住一條深藍色貼身裙,好明顯見到個肚好凸出,加上她行路姿勢掗吓掗吓孕味十足,由於冇工人跟身,她要孭住自己個手袋之餘,仲要幫阿女孭埋個布袋,之後她帶了阿女去公園玩,從後幫阿女搖韆鞦,由於粗身大細容易攰關係,她陪阿女玩了一陣,就要坐埋一邊休息,由得 Blair自己繼續玩。

在《致命復活》中,郭晉安有唔少突破性演出,希望再攞一次視帝。

歐倩怡個肚相當明顯,行起路的時候仲掗吓掗吓。

四個月前,郭晉安同歐倩怡一齊出席公眾場合,當時歐倩怡身形瘦削。

玩了一陣,歐倩怡攰到要自己坐埋一邊休息。

阿女扭買雪糕,歐倩怡最後都有買俾囡囡食,不過佢因為戒口,所以一啖都冇食。

粗身大細的歐倩怡,陪阿女去公園玩韆鞦。

每日要做司機接仔女返學外,歐倩怡仲要到超市買餸。

冇得分

06年同歐倩怡結婚,先後誕下一子一女,郭晉安手上持有五個物業,加埋超過七千萬身家,全部都冇老婆份。

星期一( 21/11),問到郭晉安有關老婆大肚一事,他仍然否認。

壹:我哋早排見到你太太喺西貢帶住小朋友,咁發覺佢原來好似大咗肚,想恭喜吓你!係咪有計劃㗎?

郭:冇!(係意外?)唔係,係冇大肚!

壹:我哋見佢好似真係有咗,諗住恭喜吓你之嘛!

郭:唔係!唔係!冇咁嘅事!

壹:咁有冇計劃生多個?

郭:暫時未有!

壹:差唔多時候喎,個囡囡又開始生性。

郭:未呀!未有!有我會通知嘅,多謝關心!

戒口唔食雪糕

玩了大半個小時,歐倩怡同阿女離開公園,其間 Blair要食雪糕,歐倩怡都有買俾阿女食,但她自己就一啖都冇食過,大肚婆需要忍口,唔食生冷嘢是常識吧!

由於近期郭晉安要拍《老表,畢業了》,所以湊小朋友的重任落在歐倩怡身上,因為阿仔郭令山同阿女讀唔同學校,所以每日一早歐倩怡就要做司機接送兩個小朋友返學,到放學接晒小朋友後,又要去超市買餸,家中大小事全部由她一腳踢。

歐倩怡帶阿女去學琴,落樓梯時,佢一級一級咁落,相當小心。

星期日( 20/11),歐倩怡同工人帶住一對仔女返教會。

代替老婆做司機

不過,只要郭晉安唔使開工,他都會幫手湊小朋友,好似上星期三(十一月十六日)他難得唔使開工拍劇,可以頂替老婆做司機接囝囝放學,兩父子十足餅印一樣,他們手拖手之餘,郭晉安更幫阿仔攞住個大型樂器,認真廿四孝老豆。

結婚十年,郭晉安同歐倩怡都表現恩愛,歐倩怡更全面退出娛樂圈,專心相夫教子,又有幫手打理老公有份投資的美容同保健成藥生意,但全部都係得個做字。

原來郭晉安多年來搵埋唔少,又經常有投資物業,目前他手頭上已有五個物業,除了他們所住的匡湖居單位是在婚前(○五年)買入,其餘物業全部都是在婚後購入,但所有業權都沒有落歐倩怡個名,市值約七千萬物業只有他一人持有。

結婚十年,歐倩怡終於在四年前收到老公送的禮物。

在等埋位期間認真睇劇本,但睇咗一陣就頂唔順瞓着咗。

郭晉安連日趕拍《老表,畢業了》,與 BabyJohn等人在大埔一間學校拍外景。

終於有車揸手

「其實安仔唔係唔錫 Cindy(歐倩怡),不過佢家姐一直都好反對佢將啲物業落埋老婆名,慌死個老婆會吞佢份身家咁,咁安仔又好聽佢家姐話,所以咁多年嚟物業同公司股份都冇加過老婆個名。」歐倩怡身邊人說。

之但係歐倩怡又唔係乜都冇收過,一二年郭晉安就買了一架價值五十多萬寶馬俾老婆代步用,更破例用歐倩怡做車主登記,認真

難得。

財政獨立

圈中不少夫妻婚後齋講心,堅持財政獨立,物業全部唔過對方手。

蒙嘉慧

當年同邵美琪拍拖,鄭伊健部分物業已加對方名,二人分手後,伊健全數轉贈邵美琪作補償,自此吸取教訓。 13年,同蒙嘉慧拉埋天窗,伊健名下物業全部冇老婆份。早前,慶祝結婚三周年,鄭伊健終於豪番次,豪擲 80萬買架 Tesla俾蒙嘉慧。

黎瑞恩

嫁入曾家十一年,一直無物業揸手,多年來有名無實, 14年,與曾智明離婚,更一度為贍養費和前夫講數。

葉子楣

92年,為脊醫男友呂錫照淡出娛樂圈,拍拖 24年,一直冇錢過手,二人同居的蔚豪苑亦是女方的自置物業,男方手持的二千多萬住所及名車,全部落晒前妻兒子名,無名無分。

撰文、攝影、攝錄:娛樂組


鍾意就快D Share啦!