掃呢頁CODE去手機

2016年11月28日 星期一

【律師大女出嫁】57歲余安安做岳母!愛女眼濕濕蹺住媽咪入場 __,余安安,

(更新回應)57歲余安安做岳母喇!佢個律師大女李文琪終於同拍拖多年嘅男友Jeremy拉埋天窗,今日髮型師KelvinKoo喺微博貼出去婚禮嘅相,相中見婚禮跟足傳統儀式,榮升岳母嘅安安亦好細心,成程睇住囡囡靚靚出嫁,為囡囡打點,囡囡有穿上紅色旗袍,見相中有茶杯等,估計有進行斟茶儀式!婚禮就以簡單嘅白色玫瑰花佈置為主,囡囡李文琪蹺住媽咪安安出場,李文琪有啲眼濕濕,完成儀式後,仲同老公深情一吻,余安安前 ...


(更新回應)

57歲余安安做岳母喇!佢個律師大女李文琪終於同拍拖多年嘅男友Jeremy拉埋天窗,今日髮型師Kelvin Koo喺微博貼出去婚禮嘅相,相中見婚禮跟足傳統儀式,榮升岳母嘅安安亦好細心,成程睇住囡囡靚靚出嫁,為囡囡打點,囡囡有穿上紅色旗袍,見相中有茶杯等,估計有進行斟茶儀式!婚禮就以簡單嘅白色玫瑰花佈置為主,囡囡李文琪蹺住媽咪安安出場,李文琪有啲眼濕濕,完成儀式後,仲同老公深情一吻,余安安前夫李萬祺及好友曾志偉亦有到場,志偉認真唔話得,噚日出席完台灣金馬頒獎禮,今日就趕返香港,見證世姪女嘅人生大事。薛凱琪(Fiona)今日都有出席余安安女兒李文琪(Marcia)嘅婚禮,Fiona話覺得好激動好開心,接受訪問時話:「安安姐係我一個好好嘅朋友,係『哎呀』阿媽;有時同佢傾傾吓都會傾到佢兩個女,安安姐花咗好多心思栽培囡囡。今日見到Marcia結婚,佢老公又好好人,戥佢哋所有人好開心。要特別恭喜安安姐,呢個係天父俾佢一份最大同最安心嘅禮物。」Fiona又話喺婚禮上,聽到安安姐講感言多謝佢個女同佢女婿,個感言大約10分鐘,好感人,Fiona聽完仲話喊到癲咗。咁有咩祝福說話送俾一對新人呢?Fiona話:「希望佢哋可以白頭到老,可以一輩子同對方分擔煩惱,分享開心與唔開心,可以並肩作戰。」

喊晒(Instagram圖片) (Instagram圖片) 新郎新娘切蛋糕。(Instagram圖片)
(Instagram圖片) 髮型師Kelvin Koo就喺微博再貼咗啲相。
薛凱琪今日都有出席余安安女兒李文琪(Marcia)嘅婚禮。(資料圖片)

來源 source: http://s.nextmedia.com
鍾意就快D Share啦!