即學即揸勁牙煙！
已故歌唱名師戴思聰的長女戴蘊慧（真真），雖已是兩子之母兼做埋嫲嫲，但多年來駐顏有術被封「凍齡美魔女」，快將48歲的真真仍未見歲月痕迹，全因她懂得享受人生！十月二十七日是真真生日，早於月初真真已展開她的「慶生月」，與大仔Bryan及其女友Judie飛到關島度假，更大膽得竟然去玩揸飛機！
刺激過坐過山車
真真表示：「去到第二日就去學揸飛機，係即學即揸，都幾驚架！（咁容易？）因為機上面有兩個方向盤，最難嘅起飛同降落都係機師做，當飛到空中就由我去轉左轉右囉，不過機師都特登玩吓俯衝，嚇到我呢，刺激過坐過山車！」真真稱大概飛了半小時，之後更有一張證書作留念，全程每人費用約260美金（約2,000港元），真真更直言這次「衝上雲霄」感覺太正，她和兒子在旅程結束前更Encore飛多轉！問到是否想做Captain Woman？真真說：「我知香港有機師Course讀，可惜我已經冇咗資格，因為唔收45歲以上嘅人，所以我已經lost咗資格囉！（年齡歧視？）係香港航空局條例都冇法。」
玩盡海陸空
而真真此行除了揸飛機外，更玩盡海陸空！去了玩高空吊索外，又到射擊場當「神槍手」，還出海潛水，真真說：「仲畀我哋遇到海龜，個導遊話我哋好好運，因唔係咁易見到，海龜係受保護動物，佢哋叫我哋唔好摸，但反而係隻海龜全程跟住我，好開心囉。」而真真稱正日生日亦身在外地，待回港才能和朋友食飯再慶祝。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
