掃呢頁CODE去手機

2016年9月22日 星期四

龔嘉欣爆 SEED穿煲 陳智燊宋熙年 9.19英國行婚禮 [壹週刊 - 1385] __,宋熙年,鍾嘉欣,嘉欣,李嘉欣,龔嘉欣,陳智燊,M1,

探熱針龔嘉欣爆SEED穿煲 陳智燊宋熙年9.19英國行婚禮陳智燊去年夏天求婚成功,宣布今年迎娶拍拖三年女友宋熙年,並分別在二人成長地英國、澳洲以及香港擺酒,9月19日,一對新人先在新郎「家鄉」英國舉行婚禮第一炮。上週五(十六日),啟程飛去英國做兄弟的龔嘉欣在機場被撞到正,還無厘頭要求記者不要寫她跟楊明「度蜜月」,曲線漏口風穿埋煲。背脊水印bride龔嘉欣跟楊明孖住飛英國後,先會合王浩信、朱千雪以及 ...


探熱針

龔嘉欣爆 SEED穿煲 陳智燊宋熙年 9.19英國行婚禮

陳智燊去年夏天求婚成功,宣布今年迎娶拍拖三年女友宋熙年,並分別在二人成長地英國、澳洲以及香港擺酒, 9月 19日,一對新人先在新郎「家鄉」英國舉行婚禮第一炮。

上週五(十六日),啟程飛去英國做兄弟的龔嘉欣在機場被撞到正,還無厘頭要求記者不要寫她跟楊明「度蜜月」,曲線漏口風穿埋煲。

背脊水印 bride

龔嘉欣跟楊明孖住飛英國後,先會合王浩信、朱千雪以及高海寧到當地唐人街,為大台的 TVB Anywhere新 apps做宣傳,之後再留低出席陳智燊和宋熙年的婚禮。

龔嘉欣跟楊明同陳智燊合作劇集《誰家灶頭無煙火》後變成巴打,加埋啱嘴形的王浩信,三人均被點名擔任兄弟,至於高 Ling及李亞男則是鐵腳姊妹,連在內地拍劇中的王祖藍,亦專程陪老婆飛英國。

「 Jason同 Sarah早兩個星期已經飛咗去英國準備,因為唔想咁早俾人知,佢哋之前盡量唔 po相,直至十九號中午行完禮, Sarah先 po咗張著住吊帶裙,背脊有 bride(新娘)嘅水印紋身相。不過最搞嘢係龔嘉欣,上星期五喺機場話自己去馬來西做嘢,但响 ig又話自己喺英國,都唔知佢有心定無意,愈講愈亂,仲拉埋楊明落水,搞到啲人以為佢哋有景轟,去到尾仲穿埋 Jason同 Sarah煲。」知情者說。

禮成後,宋熙年急不及待將「 Bride」水印紋身相 po上 ig,宣布成為陳太。

宋熙年伴娘拍了一張「新娘」及「伴娘」水印紋身合照。

早在兩星期前飛倫敦,一對準新人在草地上開心留影,但就刻意刪去環境。

向外話飛馬來西亞開工,但就 po在英國工作相,龔嘉欣愈講愈亂。

思明幫口補鑊

龔嘉欣爆 seed,楊明女友莊思明卻幫口補鑊。

「我唔知嘉欣同人哋講去馬來西亞,我諗佢唔想俾人知佢哋去邊,所以求其講一個地方,我一直都知楊明會去呢個 trip,好小事啫。佢哋不嬲係好兄弟,冇嘢嘅。」莊思明說。

一班大台人拉隊飛英送禮,有份做姊妹的高 Ling更黐住新娘宋熙年的好友在倫敦吃喝玩樂,全程 po相開心 share。英國之後,第二輪婚禮是澳洲,至於壓軸的香港,一對新人預計擺十圍,唔打算大搞。

龔嘉欣機場爆 seed後,有報導指她介入楊明及莊思明戀情,莊思明即時替她補鑊。

朱千雪跟王浩信、高 Ling、龔嘉欣及楊明,中秋節在倫敦唐人街演出,之後留低出席婚禮。

高 Ling在倫敦跟住新娘好友周圍吃,周圍影。

王祖藍兩公婆在行婚禮的莊園影了不少靚相。

撰文、攝影、攝錄:娛樂組


鍾意就快D Share啦!