掃呢頁CODE去手機

2016年3月18日 星期五

【小方流淚】拍得葉念琛電影太多?方力申Stephy揀正10周年紀念日分手 __,Stephy,方力申,小方,葉念琛,鄧麗欣,

「完了吧,如無意外…」由電影《獨家試愛》到《紀念日》,36歲方力申同32歲嘅鄧麗欣,喺「MK活地亞倫」鏡頭下,又分又合又結婚又離婚又出軌又盛,生離死別乜都經歷過晒喇,好似比普通人經歷多一個double咁。說不累,是假的。就連分手,都要發聲明,鋒頭完全蓋過晒李慧琼辭任行政會議成員呢單新聞,可想而知,香港人係幾關心呢一對。噚日Stephy回應了,今日輪到小方。佢今日去到灣仔君悅出席「全港廚師精英大匯演 ...


「完了吧,如無意外…」由電影《獨家試愛》到《紀念日》,36歲方力申同32歲嘅鄧麗欣,喺「MK活地亞倫」鏡頭下,又分又合又結婚又離婚又出軌又盛,生離死別乜都經歷過晒喇,好似比普通人經歷多一個double咁。說不累,是假的。就連分手,都要發聲明,鋒頭完全蓋過晒李慧琼辭任行政會議成員呢單新聞,可想而知,香港人係幾關心呢一對。噚日Stephy回應了,今日輪到小方。佢今日去到灣仔君悅出席「全港廚師精英大匯演」(廚師中的精英點樣「大匯演」???)呢個job小方一早接咗,噚日由所屬公司太陽娛樂代為發分手聲明亦應該唔係突然決定,小方應該一早ready晒點樣回應,但其心情依然沉重,故安排所有文字、網媒及電子傳媒一齊做訪問。明顯一臉疲態的小方甫現身時故作輕鬆,但埋位受訪時即一臉凝重,先抬頭望了望天,深呼吸,方力申稱,兩人在《紀念日》上映前已有問題,而兩人分手之日,亦是拍拖十周年當日分手,期間小方更忍不住流淚。小方稱分手已過了三個月冷靜期,雙方亦有挽留,繼續合作都冇問題,又稱兩人分手一事,settle好晒才告知家人,父母都感可惜。小方表示Stephy曾傳短訊給他稱:「唔好意思,要你一個人面對」。至於是否涉第三者,他稱噚日聲明已交代了,不再回應。

《紀念日》劇照 《紀念日》劇照

鍾意就快D Share啦!