2016年3月2日 星期三

好暴力 躁狂導演又發癲 《愛.回家》魏焌皓慘遭兜頭狂打 [FACE - 458] __,魏焌皓,愛.回家,MF,

前週六(20日)《愛•回家》到上環拍攝外景,唔少記者在場,但記者消失後,魏焌皓慘被導演Gary用劇本狂打頭兼爆粗鬧,當時有唔少演員在場,但都唔知點反應。真面目好暴力 躁狂導演又發癲 《愛.回家》魏焌皓慘遭兜頭狂打《愛•回家》上星期拍大結局,按劇情當然happyending啦,實情一班演員有苦自己知,原因係結局由出名躁狂嘅導演張永豪Gary拍攝,台前幕後齊齊被粗口辱罵,其中最慘嘅係劇中飾演健身教練H ...


前週六( 20日)《愛•回家》到上環拍攝外景,唔少記者在場,但記者消失後,魏焌皓慘被導演 Gary用劇本狂打頭兼爆粗鬧,當時有唔少演員在場,但都唔知點反應。

真面目

好暴力 躁狂導演又發癲 《愛.回家》魏焌皓慘遭兜頭狂打

《愛•回家》上星期拍大結局,按劇情當然 happy ending啦,實情一班演員有苦自己知,原因係結局由出名躁狂嘅導演張永豪 Gary拍攝,台前幕後齊齊被粗口辱罵,其中最慘嘅係劇中飾演健身教練 Henry嘅魏焌皓,前週六( 20日)被 Gary爆粗鬧爆兼用劇本打頭。

躁狂 Gary之後更試圖使橫手滅聲,又大聲警告:「我知有人想隊我,但我話俾你哋聽,邊個隊我,就即係隊珍姐(戲劇總監), TVB係唔可以冇咗珍姐嘅!聽到未?」有人撐真係乜都得?

《愛•回家》上週拍結局戲,以馬家同倫家嘅婚事作結,表面上喜氣洋洋,實則成班演員一路拍一路驚,原困係結局戲份由火爆導演張永豪 Gary操刀,前週六(20日)拍攝外景時,他一開工就發癲,無啦啦踢爆攝影師個 mon,之後去到上環拍攝張振朗和龔嘉欣結婚場口,由於在場多記者採訪, Gary最初都忍得到冇發脾氣,但記者一離開就嚟料。

郭少芸喺 instagram連發 4個 post,暗寸躁狂導演,但週日突然刪除晒。

被導演用劇本打頭兼爆粗,魏焌晧只在微博寫幾句宣洩不滿,真係有苦自己知。俾人打,點忍呀?

「我祝你生仔冇屎忽呀!」

據知當時劇中飾演健身教練的魏焌皓行慢了一步, Gary即大叫 cut機,然後揸住劇本衝向魏焌皓,拍打其後腦仲用粗口辱罵:「都話咗唔 X係咁行咯,要我講幾多次呀? XX老 X。」雖然魏焌皓出名大隻,但亦只能忍氣吞聲繼續拍落去。

Gary事後知大鑊,但並冇諗住道歉,反而用陰招自保,到拍攝廠景時,拍攝前突然同一眾演員話要影合照留念,影完後突然問班演員,「我知有人想揾記者『造我』呀,我為咗呢件事好大壓力,但其實我都冇打人,係咪呢?」突然被問,一眾演員都來不及反應,當時龔嘉欣同另外兩位演員為息事寧人,就話:「冇,你都冇打過人。」 Gary說:「你哋有人話冇就好喇! ok停機!」原來 Gary暗中叫一助導拍攝整個過程,目的係要人親口證實自己冇打人,有利證據到手,他即露出真面目,即時指住魏焌皓鬧,他說:「你呀!唔好俾我知你篤我呀?我祝你生仔冇屎忽呀!」之後再鬧埋其他人,他說:「 Camera man盲嘅、道具跛嘅、 PA廢嘅、演員 X嘅!」

躁狂導演 Gary(箭嘴)拍攝時出名躁底,有記者在場時先稍為收歛,所以當日拍外景時,一班演員都想記者留耐啲。

上週拍攝《愛•回家》最後結婚廠景, Gary突然向過百藝員表示向珍姐效忠,令一眾演員𢱑晒頭,亦反而令原本唔知情嘅演員,全部知道晒他爆粗打人一事。

為咗進一步滅聲, Gary其後再喺拍攝《愛.回家》最後一日廠景時,當住過百藝員大聲講:「我知有人想隊我,但我話俾你哋聽,邊個隊我,就即係隊珍姐(戲劇總監), TVB係唔可以冇咗珍姐嘅!聽到未?」由於攞珍姐作擋箭牌,即使過百人目擊都冇人敢發聲;而拍片嘅助導亦引咎辭職,仲喺 facebook向演員 say sorry。本刊致電一眾《愛.回家》演員,但眾人竟一致地全冇回音,唔通滅聲成功?大台點都要交代喎!

助導辭職

負責偷錄的助導阿根,由於事後感到非當內疚,所以提出辭職,仲喺 facebook發表公開辭職片段兼 say sorry,而阿根亦冇回覆本刊追問。(網上圖片)

珍姐知情包庇?

12年拍攝《心路 GPS》期間, Gary亦發生暴力對待演員事件,當時珍姐、監製李艷芳,同外事部曾醒明更開記招力撐。《蘋果日報》圖片

Gary鬧阿佘:淨係帶塊嘢返工!

導演張永豪 Gary,電視城叫佢 Gary哥或咖喱,出名火爆,最經典係曾經鬧啱啱入行嘅阿佘「帶塊嘢返工」,而佢亦有 PA殺手稱號,試過將女 PA個頭撼落服裝車。

'97《生命冇 Take 2》

佘詩曼

阿佘因冇帶劇本到外景, Gary即掟劇本落其身上,更鬧阿佘:「劇本都唔帶,淨係識帶塊嘢返工。」搞到當時 22歲阿佘衝上服裝車喊。(網上圖片)

'08《畢打自己人》

拍攝欣宜同陳茵媺喊戲, Gary roll唔切機拍攝,即發火:「唔好 X郁。」

'12《心路 GPS》

拍攝《心路 GPS》時, Gary突然將一隻裝有田雞嘅膠袋笠落天使妹劉萱慰頭上,仲將佢推埋牆。《蘋果日報》圖片

Gary亦出名暴力對待助導,試過將助導頭撼落服裝車。《蘋果日報》圖片

採訪、撰文:娛樂組

攝影:攝影組


鍾意就快D Share啦!
Related Posts Plugin for WordPress, Blogger...