掃呢頁CODE去手機

2016年3月18日 星期五

歐聯:【歐聯8強】巴塞抽下籤硬撼馬體會! __,

next1/1pre歐聯8強抽籤完成,賽前4大熱門巴塞、拜仁、皇馬及聖日耳門分途出擊,其中巴塞將與馬體會合演「西甲內訌」,睇吓呢支坐擁弗到爆「MSN」嘅上屆盟主,能否報番前屆8強遭馬體會淘汰嘅一箭之仇,而另一強勁戲碼,則係兩大土豪聖日耳門火併曼城,雙方王牌巴伊巴謙莫域同阿古路大鬥射術,激戰可期。自歐聯改制後,從未有球隊可衞冕成功,但上屆盟主巴塞由弗爆「MSN」美斯、蘇亞雷斯、尼馬率領下,勢如破竹, ...


next 1/1 pre

歐聯8強抽籤完成,賽前4大熱門巴塞、拜仁、皇馬及聖日耳門分途出擊,其中巴塞將與馬體會合演「西甲內訌」,睇吓呢支坐擁弗到爆「MSN」嘅上屆盟主,能否報番前屆8強遭馬體會淘汰嘅一箭之仇,而另一強勁戲碼,則係兩大土豪聖日耳門火併曼城,雙方王牌巴伊巴謙莫域同阿古路大鬥射術,激戰可期。

自歐聯改制後,從未有球隊可衞冕成功,但上屆盟主巴塞由弗爆「MSN」美斯、蘇亞雷斯、尼馬率領下,勢如破竹,大有機會打破宿命。不過歐聯8強抽籤中,巴塞卻抽中同屬西甲球隊馬體會,絕對唔易應付,因為「地上最強」上一次於歐聯淘汰賽出局,正正係13-14年度球季,同樣喺8強階段兩回合計以1比2不敵馬體會,當屆「床單兵團」更獲得亞軍,巴塞誓要報番一敗之辱。

至於首次躋身8強嘅英超土豪曼城,則撞正剛成功衞冕法甲冠軍嘅聖日耳門(PSG),呢兩支由金元堆砌嘅球隊星光熠熠,PSG箭頭伊巴謙莫域從未攞過歐聯錦標,恨捧盃恨到發燒,另一邊廂「藍月亮」射手阿古路亦弗到漏油,兩大王牌正面交鋒,必有一番激鬥。相比之下,德甲一哥拜仁及西甲班霸皇馬則抽到好籤,拜仁繼上屆8強對波圖,今屆再對另一葡超球隊賓菲加,而「銀河艦隊」只係出戰8強初哥、德甲嘅禾夫斯堡,相信佢哋可輕鬆過關。

歐聯8強抽籤形勢

禾夫斯堡(德甲) Vs 皇家馬德里(西甲)

拜仁慕尼黑(德甲) Vs 賓菲加(葡超)

巴塞隆拿(西甲) Vs 馬德里體育會(西甲)

巴黎聖日耳門(法甲) Vs 曼城(英超)

首回合:4月5日、4月6日

次回合:4月12日、4月13日

左方首回合主場


來源 source: http://hk.on.cc
鍾意就快D Share啦!