掃呢頁CODE去手機

2016年2月11日 星期四

弗爆出發 解脫 Heidi抱洗米女自己玩 [壹週刊 - 1353] __,Heidi,李靜儀,M1,

Cute爆除搞checkin手續,Heidi都女不離手。經常親自湊女的她,抱住肥嘟嘟又趣致的Damianna,抱到手瓜起𦟌。探熱針弗爆出發 解脫Heidi抱洗米女自己玩洗米華(周焯華)與MandyLieu去年底上演「世紀一拖」後,洗米嫂陳慧玲(Heidi)亦唔再心軟,心死離婚。唔想嘥時間留戀過去,Heidi火速收拾心情,弗爆出發,在商場另闢天地,發力掃鋪之餘,上月開埋美容院,大展拳腳。上週六,He ...


Cute爆

除搞 check in手續, Heidi都女不離手。經常親自湊女的她,抱住肥嘟嘟又趣致的 Damianna,抱到手瓜起𦟌。

探熱針

弗爆出發 解脫 Heidi抱洗米女自己玩

洗米華(周焯華)與 Mandy Lieu去年底上演「世紀一拖」後,洗米嫂陳慧玲( Heidi)亦唔再心軟,心死離婚。唔想嘥時間留戀過去, Heidi火速收拾心情,弗爆出發,在商場另闢天地,發力掃鋪之餘,上月開埋美容院,大展拳腳。

上週六, Heidi帶住兩女出埠度新歲,決定離婚反而成為解脫的她,狀態大勇。作為人母,活得硬淨,係最好的身教。

發現傳媒前,帶兩個女去泰國度歲的 Heidi好好笑口,心情冇受離婚影響。

家姐見慣大場面(傳媒圍攻),細女初次面對,嚇到扭晒計,好在有媽咪同家姐即刻錫番,話咁快就收聲。

大仔要交人

以往的農曆年, Heidi例必偕夫家齊齊出埠度歲。決定同洗米華斬纜後,唔鍾意拖泥帶水的她,帶埋兩個寶貝女、 12歲的 Virginia及八個月大的 Damiana,還有 Heidi母親全女班到泰國享受陽光與海灘。至於跟繼母感情要好,又疼錫兩個同父異母妹妹的洗米大仔周柏豪,由於聖誕及元旦都選擇了跟 Heidi過,所以今個農曆新年要向老豆洗米華交人,陪住爺爺,與太陽娛樂一班揸 fit人去日本。

上週六(年廿八), Heidi抱住八個月大,肥嘟嘟可愛到爆、但跟老豆成個餅印的 Damiana及大女現身香港機場。又換了新髮型的 Heidi,產後已完全修身,狀態完全唔似已是兩女之母。

決定同兩個女重過新生的 Heidi,上月投資開美容院,向商場大展拳腳。

生咗幼女只有八個月, Heidi已經弗番晒,完全唔似兩女之母。有本錢,所以自己做埋自家果汁店生招牌,親自上陣拍廣告。

拍廣告

孭潮袋

當日 Heidi出埠孭的 Burberry刻名背囊,圈中潮人如 Sammi、阿 Sa及楊丞琳都有一個,價值$11,500。人母 Heidi追得貼!

澳門股東齊撐

冇咗包袱狀態勇!帶住兩個女選擇過自己生活的 Heidi,唔想單靠贍養費過一世,決定以雙手打拼自己的未來。在澳門手揸三個合共近億元的地鋪,還有多個澳門住宅物業的她,日前被發現再落手入貨。有指她睇中香港馬鐵石門站安群街的 OK Mall,入了五張票認購鋪位,冇手軟。

據了解,善於交際的 Heidi,過去曾助洗米華的生意王國打通人脈網絡,決定離婚後,一班公司股東仍力撐這位前阿嫂,生意投資預埋 Heidi一份,上月她有份投資的美容院開張,成班「阿哥阿嫂」到齊撐場。

「太陽班股東好錫 Heidi,當佢阿妹咁。之前發生咁多事,大家都擔心佢,成日約出嚟一齊食飯,不過 Heidi其實好硬淨!佢話唔值得再去傷心,更加唔值得同過去計較,冇意思!倒不如積極做嘢,用心照顧好兩個女。 Heidi想創一番事業,班阿哥阿嫂都話同佢一齊夾份做生意。除咗因為咁多年感情,大家亦睇到 Heidi喺澳門搞慈善 ball搞得好成功,相信佢做嘢好夠魄力;好似佢睇中嘅 OK Mall個投資者 Yo姐同蔡志忠,其實都係 Heidi啲老友。」知情者說。

Heidi人脈廣,又有多個職銜在身,其中包括仁愛堂總理,故在港澳兩地的社交圈相當活躍。

去年底決定離婚的 Heidi,聖誕及元旦有大仔周柏豪(洗米華第一任妻子所生),及疼錫她的老爺陪伴到峇里過節。

柏豪之前兩個節日揀咗陪 Heidi,故今個農曆新年,要交人之下陪老豆洗米華去日本,冇得同感情要好的妹妹過年。

早前在峇里度假的 Heidi,一件白色三點式盡晒火速修身的成果。回復單身的她,索爆狀態真係唔憂冇「市場」。

去年底,洗米華同 Mandy上演「世紀一拖」後,一班太陽股東撐 Heidi。

Heidi跟老爺及姑奶關係要好,故她與洗米華離婚,仍跟老爺同住。

揸鋪過億

身兼仁愛堂總理、澳門海峽女企業家協會理事長及成都福建海外聯誼會理事等多個職銜的 Heidi,手揸唔少物業,據知包括澳門星海豪庭地鋪及銀座兩個商場鋪,單是三個鋪,及其餘住宅物業,其中有澳門文華薈單位,加加埋埋賬面私己錢過億。

早前 Heidi入五張票,認購馬鐵石門站的 OK Mall商鋪,準備做女強人的她狂掃鋪!

做生招牌拍廣告

昔日因為孭住「華嫂」名分, Heidi一言一行,都要保住家聲。離婚毋須再畏首畏尾,早前她為與陳山聰兄嫂 Sophie合資的健康果汁店,首度親自上陣做生招牌,為自己盤生意拍廣告。

「結婚前 Heidi做保險又開時裝店,都做得幾好成績,只係婚後生埋個女,洗米華賭廳生意又愈做愈有,就叫 Heidi專心湊女做少奶奶。依家出返嚟做嘢, Heidi好積極!嚟緊佢會同人合作搞啲地產項目,另外亦會做埋飲食業。」知情者說。

離婚女人當自強

靠男人不如靠自己,離婚女人當自強。圈中不少女星都能自立,撐起頭家養活仔女,開創另一片天。其中今年 65歲的家燕媽媽,更是單親媽典範。

薛家燕

被前夫石保慶拋棄時,要獨力撫養年幼子女的家燕姐, 95年復出拍長壽劇《真情》賺錢養家,憑「好姨」一角爆紅,獲三藩巿政府頒發獎項,表揚她在當地掀起「煲劇潮」,勁威。之後登台、廣告密密接,令她有能力供養三名子女讀大學成材。早年家燕姐在新加坡、上海等地開演藝學校,為培育下一代出力。現手持多個物業,身家以億計的她,苦盡甘來。

羅霖

12年與劉坤銘離婚,男方僅支付部分生活費予三子,羅霖復出養家,接拍情色電影《愛•尋•迷》及出寫真,早前連自己個樣都出賣,在網上推出人形攬枕、底褲等,為供兩個大仔到美國升學,搵銀能力更勝從前。

趙頌茹

遇着「人渣」周永恒唔肯離婚又拒付贍養費,阿 Yu冇怨天怨地,反而積極行天橋、出活動孭起養育兩女重責。早前被邀帶埋兩女拍有線節目《帶阿 B去旅行》,寓工作於親子,雙贏。

撰文、攝影、攝錄:娛樂組


鍾意就快D Share啦!