掃呢頁CODE去手機

2015年7月22日 星期三

戲假情真 咀出火 陳家樂撻着長腿索模 [FACE - 426] 陳家樂,MF,



生日大日子,陳家樂梗係孖住女友余香凝二人世界慶祝,單睇笑容就知有幾冧

真面目

戲假情真 咀出火 陳家樂撻着長腿索模

藝人鍾意同網民開心「些牙」生活趣事,除咗可以呃 like,仲可以同粉絲互動,不過針冇兩頭利,有時會因此「洩密」㗎!

好似即將有新戲《破風》上映的上位男陳家樂,雖然 ig清一色 post工作照,異性合照絕跡,實情暗藏秘密!事關早前陳家樂開心「些牙」長洲玩樂相,同 22歲長腿索模余香凝( Jennifer)同一時間 po出,雖然冇合照都露晒破綻喎!原來兩人早喺港台劇《總有出頭天》合作而撻着更咀出火花。陳家樂亦對《 FACE》承認戀情:「係有開心嘅情況囉!」

余香凝首次拍劇就擔正,劇中同陳家樂更有咀戲,結果咀出真感情。網上圖片

28歲陳家樂入行以來,緋聞唔算多,除咗有個拍拖 10年圈外女友 Emily反面收場,亦同師妹林欣彤拍過拖;現任長腿女友余香凝( Jennifer)為 JamCast旗下模特兒,入行 6年拍過唔少作品,喺港台劇《總有出頭天》中首次擔重戲份飾演地盤女監工,同陳家樂做情侶兼有咀戲,戲假情真。

大方認戀情

攪晒

合作拍劇,又飾演情侶,真係好易戲假情真㗎!

就算女方生日大日子,陳家樂都堅持唔上鏡,一味只 post食物相,不過就因為一批長洲相而洩密,明顯當日兩人係拍住拖遊山玩水,不過玩地下情,照片得單人照是常識吧!《 FACE》致電陳家樂,他初時有點錯愕,之後才回應:「係有開心嘅情況囉!」大方公開戀情,難得有位索模女友,以後 po相唔使再收收埋埋

ig洩密

兩週前,陳家樂先 post長洲魚蛋相上 ig,相隔幾分鐘,女友余香凝亦將魚蛋相放上網,仲要動作都咁一致,雖則冇合照,但都「露餡」

網上圖片

再 po糯米糍相,女友又跟住咁做!睇嚟兩人喺長洲玩得好開心喎!網上圖片

網上圖片

拍片教化妝

身高達 173cm嘅索模余香凝( Jennifer), 16歲已經自薦做 model,入行 6年儲落唔少演出經驗,而愛上拍戲嘅 Jennifer,仲視胡杏兒為目標,想挑戰埋拍劇添!

索模余香凝喺 YouTube設有個人 channel,定期親身上陣拍片教化妝同整頭,年紀輕輕已經搞作多多! YouTube畫面

雖然余香凝係模特兒,不過堅拒行性感路線,平時都只係騷下長腿同靚樣。網上圖片

鍾意就快D Share啦!