掃呢頁CODE去手機

2015年7月1日 星期三

住 800呎市郊平樓  Mandy Lieu倫敦小行宮曝光 [FACE - 423] Mandy,劉碧麗,Mandy Lieu,MF,




由馬來西亞來港闖一番事業嘅 Mandy,估佢唔到事業未見成就,但愛情世界就咁豐富,搭上洗米華,人生唔同晒!

封面

住 800呎市郊平樓  Mandy Lieu倫敦小行宮曝光

30歲 Mandy Lieu(劉碧麗)自去年中與人稱洗米華的澳門賭業及娛樂界猛人周焯華搭上後,馬上進入養尊處優的待產生活,在 5月 20日還替洗米華誕下一女,真係當正印 Heidi陳慧玲無到。

有傳 Mandy成功冧掂洗米華後,已收超過二億物業作為獎勵,但根據 Mandy在英國的登記資料顯示,本刊發現登記地址只是一個離市中心半小時車程,兩房一廳、約 8百多呎的公寓。雖然該住宅屬倫敦第 19高的大廈,但現市值只約港幣一千萬,與洗米華「少衫」身份唔多匹配喎!

Mandy Lieu去年搭上人夫周焯華後,馬上停工陪外遊,有報導指 Mandy已獲洗米華送豪宅及現金唔使做。今年 5月 20日在英國倫敦為洗米華誕女後,又有指 Mandy獲洗米華再送樓,新禮物是位於倫敦市中心 Belgravia區內,面積 3,500呎、價值港幣 1.08億的 5層豪宅排屋。

5月 20日 Mandy喺倫敦 Portland醫院幫洗米華生女,洗米華仲專程飛過去陪生產。圖片

郊區少華人


去年 10月 Mandy已經用自己名義買咗 9,188萬嘅西半山珒然豪宅。
但根據 Mandy在英國待產時所登記的資料顯示, Mandy留英期間,一直住在位於離市中心約半小時車程的 South Quay,所謂養胎屋面積只有 800呎、價值約港幣一千萬的高密度住宅 Pan Peninsula兩房單位。

Pan Peninsula雖不屬超級豪宅,但周邊環境清幽,而且人少車少,空氣清新,最重要係附近華人居民少之有少, Mandy和洗米華出街都唔使太避忌;而且 Pan Peninsula在全倫敦最高大廈中排名 19,更設有停車場、健身室、室內泳池和迷你戲院等,即使 Mandy足不出戶都悶唔死。

「少衫」生仔屋全面睇


Mandy自從與洗米華拍拖後,已經好少更新 instagram, 5月初突然自爆喺倫敦,仲順便晒埋生 B前靚樣。網上圖片*相片乃同類單位

網上圖片

位於 South Quay嘅 Pan Peninsula有 2幢, Mandy就住喺東大樓,對正海景嘅單位。網上圖片

主人房


網上圖片
單位其實唔算大,但主人房有落地玻璃兼望海,景觀好唔錯。

客廳


818呎單位客廳唔算好大,不過感覺開揚,而且樓層夠高,唔怕俾人偷影。網上圖片

Pan Peninsula原本嘅裝修都係以黑、白、灰為主,但 Mandy呢間屋擺明係精心設計過,洗米華真細心。 Mandy Lieu Facebook圖片

浴室


網上圖片
雖然只係 8百多呎,不過已經有 2個套房, 2間都有浴缸,不過面積偏細,大肚婆用唔多方便。

香港唔返得

環境好,洗米華亦好細心,特別將單位重新裝修,設計成色彩繽紛格調,配合晒 Mandy好勝又好動的性格,難怪 Mandy興奮得將閨房相放在 instagram分享。

即使 Mandy幫洗米華女都生埋,可惜始終香港有大婆陳慧玲坐陣,「少衫」 Mandy好難大模斯樣在港拍拖,故日前洗米華再次暫離老婆仔女,飛到新加坡與 Mandy會合!就算香港有層億萬豪宅珒然, Mandy都暫時未享受到喎!

大婆留港


洗米華呢邊廂對 Mandy百般遷就,但喺老婆 Heidi面前佢又可以做番好老公,齊人之福唔係咁易享㗎!網上圖片

5月 30日 Heidi幫洗米華生多個女, Heidi可以晒 B相, Mandy呢?網上圖片

Mandy

四圍飛


上月尾,即 Mandy剛生產完一個月,洗米華原來已經去咗新加坡會合 Mandy拍拖。《蘋果日報》圖片

Mandy近半年都好少喺香港,但 keep住都會有佢同洗米華嘅外遊報導,生 B前去咗泰國都一樣俾人影到。圖片

你有你鬧

自 Mandy介入周家之後,大婆 Heidi除咗不時 po全家福晒溫馨之外,囝囝周柏豪同 Heidi閨蜜向太陳嵐都會出口明撐 Heidi!

Heidi好識做,雖然老公多次斷正同 Mandy外遊,但佢只係貼吓相發洩吓,八婆行為真係未做過。

網上圖片

和 Heidi份屬老友嘅向太陳嵐,每次講到 Mandy做小三嘅時候都好坦白。

你始終係第三者,係過客,遲早會走,人哋先係老婆,又大緊肚,何必做得咁過份。(真實對白)


網上圖片
話說 Mandy放咗張超瘦 body靚相上 ig,洗米華囝囝立即喺 ig還擊,仲加埋張示意收聲嘅合照。

左擁右抱?咁易咩!

以前就話三妻四妾啫,家陣仲邊有呢支歌仔唱呀?你肯!你老婆都唔肯不過凡事都有例外嘅!喺香港名人界、甚至娛樂圈,一屋兩妻,甚至四妻都大有人在,不過條件係,你要非常有錢囉!

成功例子 劉鑾雄(大劉)齊人福

早於 77年已經同寶詠琴結婚, 92年離婚, 10年後與前港姐呂麗君拍拖兼住埋,呂麗君仲幫大劉生咗一仔一女, 06年再與前娛樂記者甘比搭上,東西宮不時都爭住拖劉老太去福臨門食飯㗎!

呂麗君

何鴻燊 4條 queen

42年娶咗元配黎婉華,喺大婆仲在生時, 57年何生即收妾侍藍瓊瓔。 20年之後,即係何生 52歲時再同𠵱家嘅三姨太撻着, 88年,何生再同照顧佢嘅看護梁安琪行埋,四個女人幫何家開枝散葉咗 6仔 11女。

《蘋果日報》圖片

黎婉華

藍瓊瓔

陳婉珍

梁安琪

譚詠麟收埋二奶

現年 64歲嘅譚詠麟其實都有兩個老婆。首先喺 81年同楊潔薇(莎莉)結婚,不過莎莉信佛又食齋,一直都幫唔到校長生仔。結果佢喺 90年再同朱詠婷( Wendy)結婚,冇幾耐就有咗囝囝譚曉風喇。

大婆楊潔薇

失敗個案 陶大宇做寡佬

00年已結婚嘅陶大宇, 06年與港姐冠軍郭羨妮拍劇變拍拖,最後仲因此而同老婆離婚。可惜郭羨妮和陶大宇最終都係分手收場,郭羨妮已經有仔有老公,相反陶大宇仍未再婚。

黃慧寶

郭羨妮

周永恒變家暴

唔知仲算唔算娛樂圈人嘅周永恒 10年同拍拖多年嘅趙頌茹奉子成婚, 4年後與港視小花劉依靜( Ruby)暗撻,被揭發仲要發爛打老婆,結婚一拍兩散,仲被控告刑事恐嚇。
鍾意就快D Share啦!