熱爆娛樂: 股票輸凸撲水填氹　莊思敏瞓冰牀誘肌男 [忽然1周

2015年7月31日星期五

股票輸凸撲水填氹　莊思敏瞓冰牀誘肌男 [忽然1周 - 1044] 莊思敏,MW,

下體貼到實

莊思敏以亞洲首位女代言人身份，為岡本安全套拍廣告。廣告中，她僅穿胸圍內衣上陣，與拍檔趙勁皓（ King）在牀上肉搏，更下體貼下體，場面火辣辣。

滾熱辣

股票輸凸撲水填氹　莊思敏瞓冰牀誘肌男

近月港股大插水，圈中股民焦頭爛額，據知拿督女莊思敏炒細價股亦慘蝕二百萬，雖然家底厚，但她亦即時止血，自己債自己還，惟有撲水填氹。

日前莊思敏就大膽接拍安全套廣告，本刊獨家得到一批噴血廣告照，相中莊思敏與拍檔趙勁皓（ King）肉帛相見玩冰浸浴；更在牀上纏綿調情，場面惹火。

周三（ 29日）莊思敏在電話中向本刊承認為撲水乜都肯制：「的確係因為輸咗股票啲錢先考慮接呢個 job，呢筆錢真係好吸引。」

莊思敏接安全套廣告，據知其拿督父親曾有微言，但經阿女再三解釋只是拍廣告，並冇淫褻成分，莊思敏才過到老竇呢關。

近年莊思敏瓣數多，除投靠蕭定一旗下的「中國 3D數碼娛樂有限公司」拍電影外，去年亦染指 model及經理人公司生意。惟前者被股東虧空公款，後者又因公司內部問題，有蝕冇賺，執笠收場，未夠一年已蝕了近 5百萬。

冇錢借朋友

阿 King硬晒軚

現場所見，莊思敏較為主動，相反阿 King任由女方在自己身上擒來擒去，全身硬晒軚。

莊思敏與朋友合作做生意往往因財失義，向來有玩股票的莊，眼見 4月股市暴升，亦投資七位數玩埋一份。投資本錢翻了幾番後，莊隨即訂購價值 80萬的美國電動潮車 Tesla「 model S」獎勵自己。

可惜由 6月尾開始，港股全線插水，莊思敏在一個月內損失逾二百萬。她早前在訪問中承認說：「帳面上損失咗七位數，不過如果唔等錢使，唔放就冇嘢嘅！我有啲朋友炒孖展輸過千（萬）㖭！要周圍問人借錢。（咁有冇人問你借？）有，但我真係冇能力，自己都綁手綁腳，綁晒喺股票度，冇乜 cash㗎咋！」

唔想靠屋企

34D爆乳

敢作敢為的莊思敏，在廣告中，與阿 King又攬又摸，不時大晒 34D激凸上圍。

莊思敏身為拿督女，家住貝沙灣，但口講話「 no cash」，並非齋噏。知情人透露：「講真，佢個拿督爹哋係好錫三個女，基本上要風得風，但 Jacquelin（莊思敏）個人比較硬頸，佢覺得爹哋唔可以照顧自己一世，唔想吓吓靠屋企。佢成日同我哋講，除咗入行頭幾年任碌爹哋張附屬卡，之後使嘅都係自己賺嘅錢，所以佢做嘢好搏㗎，好多富二代都冇佢咁勤力」

接棒做安全套女王

high爆反眼

在廣告中，除了與阿 King有不少親熱舉動，莊思敏更要做出多個高潮樣，真係少啲演技都唔得。

無端端唔見二百萬，莊思敏誓撲水填番個氹。向來搏殺的她，日前就大膽接拍了日本著名品牌岡本安全套，任亞洲區首位女代言人。而上一手代言人則是紅遍亞洲的何潤東，所以都咪話唔巴閉。

本刊日前獨家得到一批噴血廣告照，相中莊思敏瞓冰牀兼做出撩人姿勢，大玩冰火。另一輯相更激，僅穿性感喱士胸圍及內褲的莊思敏，與赤裸上身只穿平腳內褲的肌男趙勁皓（ King）在牀上纏綿。廣告中，莊成個人壓在男方身上，下身貼住下身，阿 King下體更疑似「有反應」，惹火程度爆燈。一在場工作人員透露：「其實都唔知係咪整蠱佢哋，嗰晚廣告商安排佢哋半夜 3點先嚟開工，話想佢哋有一個同愛人調情嘅情緒喎！點知一嚟到就要瞓冰，真係見到都辛苦呀！拍到天光先入正題。佢哋拍瞓喺牀嗰 part，阿 King成個人好似機械人咁唔敢郁，佢驚揩到 Jacquelin啲敏感部位呀！所以成個人硬晒軚咁！」

莊思敏：佢硬到死！

周三（ 29日）記者致電莊思敏，她承認為撲水才接拍安全套廣告：「的確係因為輸咗股票啲錢先考慮接呢個 job，呢筆錢真係好吸引。」當問到她有否留意趙勁皓有「反應」時，莊思敏貫徹語出驚人作風：「佢全身都咁硬喎！佢全身都係肌肉，真係硬到死呀。所以我都 feel唔到佢邊啲地方特別硬。我都驚整親佢，所以自己都要好小心咁壓落佢度。（咁你哋有冇尷尬?）冇啦!我哋合作過好多次，我又識佢女朋友，大家都好熟。」至於巨鵰激凸的趙勁皓則否認有「反應」：「我有少少緊張啫，要顧及好多嘢，又驚扯親佢……啲頭髮。」