掃呢頁CODE去手機

2015年5月29日 星期五

與短髮中女秘戀五年  51歲陶大宇半同居 [忽然1周 - 1035] 陶大宇,MW,



5月 19日 4:00pm

公開短敍 1小時

當日陶大宇頭戴 cap帽身穿紫藍色風褸,在其紅磡寓所樓下的商場咖啡店與同樣戴帽的短髮女子會合。二人十分避忌,初時扮不認識,陶邊玩電話邊視察四周。

滾熱辣

與短髮中女秘戀五年  51歲陶大宇半同居

陶大宇當年曾因郭羨妮介入而與黃慧寶離婚,之後一度翻撻前妻,惟最後仍是無疾而終。在情路上兜兜轉轉的冇腳雀仔,今日終於停下來。

本月 19日(星期二)下午,本刊收到讀者報料,指陶大宇和一短髮中女現身紅磡都會商場的咖啡店, hea足近一個鐘,二人默契十足前後腳返回紅磡都會軒愛巢。

據知過去 5年,這名短髮女子一直守在陶大宇身邊,去年還把臂同遊泰國曼谷,很明顯陶大宇刻意想將二人關係保持低調,每次出入均異常警覺。即使今回斷正,他都只說:「多謝大家關心,我都幾廿歲人,仲講呢啲都覺得毛管戙!」陶大宇沒有《大時代》丁益蟹上身橫蠻無理,只係封口唔講,明白晒!

5月 19日 9:00pm

益蟹解畫

當日下午陶大宇與女友前後腳返家。得知女友被本刊記者影到後,他落樓主動找記者回應。

今年已 51歲的陶大宇曾是大台一代「師奶殺手」,魅力當然有番咁上下, 07年他與郭羨妮合作《學警出更》撻着,導致與前妻黃慧寶婚變。 5年前他曾被影到與短髮中女(與今次同一人)在沙灘拍拖,都從沒親口承認戀情。

女友是傳媒高層

據知情人士透露:「其實個短髮女子姓陳,任職報章高層。一個係星一個做傳媒,點都要避忌啲嘅,所以佢哋出街會好低調。咁多年咯,感情都好穩定喇。佢哋依家有時一齊住,玩吓煮飯仔,咪幾好囉!大宇今次真係想定落嚟,就算返大陸拍劇幾忙,一放假即撲返香港。大宇除咗要照顧年老嘅阿媽外,仲要見女朋友嘛!」據了解陳姓女子多年來專責電視版,故與電視藝人十分稔熟,當年遇上婚姻失敗的陶大宇,因互相投緣,一拍即合。

惡人都怕死

在《大時代》中,陶大宇飾演的丁益蟹被老竇丁蟹掉落街呢一幕七情上面。雖然事隔 23年,但陶樣貌及身形都沒太大改變。

教煮餸

在神劇《大時代》內演大奸仔的陶大宇,原來現實中最拿手煮飯。早前他為有線主持《我係煮食男》。日前請來好友宣萱做嘉賓,邊分享廚藝邊話當年。

去年秘遊泰國

多年來陶大宇對感情事三緘其口,直至近期他在某電台訪問中講出心底話,表示唔排除會再婚,但必須搵到一段能長久而穩定的感情。其實陶大宇與陳姓女友五年來不時被發現 shopping拍拖及去街市買餸。去年 5月本刊記者更親眼目擊二人共用一個行李篋,在泰國曼谷機場出現,轉車到芭堤雅度假。回程返港在機場等候拎行李時,二人卻保持距離扮唔識。

近年主攻內地市場的陶大宇,不時北上拍劇搵人仔,近月回流香港接拍有線節目《我係煮食男》,才留港工作。

本月 19日,本刊收到讀者報料,指陶大宇正與一名短髮女子在紅磡都會商場嘆咖啡。本刊記者趕抵現場,發現陶大宇頭戴 cap帽安逸自在地邊嘆咖啡邊玩手機,而身旁女友則戴上黑色圓帽,一身黑白間連身裙。二人初時各有各坐,之後見四周沒人留意,才放下防線,竊竊私語愈坐愈埋。

二人嘆咖啡一小時後,陶大宇先行離開,獨自返回愛巢,女友則先到便利店揭雜誌,再到藥房閒逛。半小時後,她才施施然步入陶大宇位於都會軒的寓所。現場所見,屋苑保安人員明顯認得出她是住客,熟練地上前為她開門。始終女友是做傳媒,警覺性特高,她不時四周張望,行入大堂時,發現記者鏡頭,表現一臉愕然。

難得零距離

二人扮唔識達 15分鐘,未幾短髮女子放下戒心,與陶大宇肩碰肩,之後更一齊玩電話。

金睛火眼

由於短髮女子是傳媒人,所以她警覺性甚高,不時視察四周,以防有鏡頭偷拍。

習慣前後腳

二人在咖啡店 hea足 1小時後,陶大宇急急腳先行打道回府。為掩人耳目,短髮女子離枱後,先到便利店揭雜誌,再到藥房閒逛消磨時間。近半小時後,她才施施然經商場後門往都會軒,而屋苑保安人員亦主動為她開門。

陶:講感情事毛管戙

二人前後腳返家, 4小時後,陶大宇獨自步出大廈外視察,更主動走到採訪車前敲車窗。記者問他有關拍拖的事,但他對任何關於女友的問題,一概不作回應。「我一向都唔鍾意講呢個話題,多謝大家關心。我都幾廿歲,仲講呢啲都毛管戙(會唔會搵番個伴?)到時有好消息就通知你哋(有人見到你去年同女朋友去泰國喎?)舊年係有去過泰國還神,我哋係一班朋友去。我就唔信(神),只係陪朋友,佢話要去還神。(我)當去兩、三日旅行囉!」

陶大宇咁努力去守護呢段感情,相信已視對方為終身伴侶,咁就祝佢哋早日開花結果

去年 5月

秘遊泰國

去程:去年 5月本刊記者目擊陶大宇與女友同機出發去曼谷,女方一落機跳上 golf車,而陶大宇則若無其事隨行上車。二人除預先 book golf車接載過海關外,更全程扮唔識,好低調。

等行李扮唔識

回程:四日三夜度假完畢,陶大宇和女友回程抵港後一齊等拎行李,不過二人身距起碼超過十個身位。

嘆盡芭堤雅

明明是二人行,陶大宇卻扮單身。去年 5月 16日,他在微博晒相,身後向海的餐廳,就是他與女友共進晚餐的地方,好浪漫。

陶大宇聲稱去年是與一班朋友去泰國,但其微博的照片張張都是單人或風景照。這張晒肌照,好明顯是由同行女友為他操刀

多情師奶殺手

00年娶黃慧寶

陶大宇與黃慧寶結束十年愛情長跑,於 2000年結婚,結婚當日現場有近半百記者採訪。

07年暗撻郭羨妮

陶大宇與郭羨妮合作《學警出更》擦出愛火,太太黃慧寶更公開指郭是小三,搞到二人離婚。郭羨妮為保形象與他劃清界線,與陶交惡。

08年翻兜前妻

陶大宇與前妻阿寶的關係欲斷難斷,曾多次被拍到約會前妻放狗兼到對方家過夜,大時大節亦一起慶祝,不過最後仍然無疾而終。

10年忘年戀

陶大宇因篤波而認識了圈外嫩女,對方更不避嫌疑在 facebook公開二人面貼面的親密自拍照。

鍾意就快D Share啦!