2014年12月12日 星期五

[忽然1周 - 1011] 煮飯仔睇大牀 《選戰》王宗堯暗嗒 Ruby Ruby,王宗堯,劉伊靜,MW,




孖住返歸

去年 5月,王宗堯以「煮飯仔」為藉口,約 Ruby上自己屋企。兩人先去超市買餸,之後上王宗堯屋企開餐。

滾熱辣

煮飯仔睇大牀 《選戰》王宗堯暗嗒 Ruby

王宗堯靠港視劇《選戰》做李心潔智囊(張癸龍)爆紅,更升呢由銅鑼灣劏房搬到灣仔獨立單位居住。

近日被封為「男神」的王宗堯,拍開三級片,在《一路向西》飾演性導師。現實中,王宗堯亦是不折不扣的𡃁模殺手,最叻煮嘢食冧女返歸。不過,換畫速度亦驚人。

唔講唔知,除了有個公開𡃁模女友 DaDa(陳靜)外,他原來與介入周永恒及趙頌茹的小三 Ruby(劉依靜)都有一手。情到濃時,兩人更甜蜜蜜揀大牀兼玩煮飯仔。可惜最後男神俾賤男周永恒撬牆腳,都幾反高潮。

靠「性」起家的王宗堯,現實的感情生活亦一樣精彩。不過,王宗堯最醒的,是識得用「住家男」包裝,難怪殺盡一眾𡃁模。

連當年的宅男女神 DaDa都追到手的他,原來去年曾與 Ruby有一手,可惜最後卻敗在周永恒手上。去年中,本刊曾拍到王宗堯與 Ruby齊齊到銅鑼灣宜家睇大牀揀枕頭,之後更到超巿買餸。其間兩人卿卿我我,旁若無人,跟一般情侶無異。

睇番 Instagram,當晚兩人煮吞拿魚意粉,王宗堯 post上網, Ruby仲大讚好味。

你點夠我爭?

(設計對白)

Ruby做周永恒小三之前,曾經同王宗堯拍拖。不過因為她之後戀上周永恒,導致分手。

《選戰》上位

在港視熱播劇《選戰》,王宗堯是李心潔首席智囊,為人爛蒲爛滾。

煮飯仔𠱁女返歸

「舊年王宗堯同 Ruby齊齊簽約港視,佢哋喺公司活動認識。 Greg(王宗堯)一見到 Ruby已經好嗒糖,話咁快就抄佢牌,更約佢去睇首映,咁咪開始咗囉。其實 Greg好識冧女仔,成日話自己煮嘢好叻,叫啲女仔上佢屋企試吓佢手勢。咁啲女仔上到佢屋企,就梗係唔只煮嘢咁簡單」知情者透露。

兩人打得火熱期間, Ruby不時在微博上載食物相晒幸福。據知王宗堯與 Ruby拍拖只幾個月,因為周永恒介入而分手。

試枕頭

兩人煮飯仔前,先去「宜家」睇寢具。王宗堯攞住個枕頭摸來摸去,研究夠唔夠彈力。

乾花冧女

臨走時,王宗堯揀咗一袋乾花,擺明用嚟布置好屋企𠱁Ruby。咁識做,唔怪得 Ruby笑得咁冧啦。

揀大牀

兩人之後再睇大牀,王宗堯仲認真到影相慢慢揀。

早前為拍新片《高登闊少踎監日記》,王宗堯僅攞住一條短褲遮着重要部位,就在現場露臀「喪跑」。《蘋果日報》圖片

網上洩密

其實 Ruby搭上王宗堯,去年 6月在 Instagram有跡可尋, Ruby甚至為了王宗堯,與情敵掀罵戰。

超愛新仔 去年 6月

王宗堯陪 Ruby嘆茶, Ruby亦好識做,在兩人合照寫上「超級愛」,語帶雙關。

愛住家菜

和王宗堯拍拖後,少入廚的 Ruby忽然沉迷住家菜,更不時大晒男友自家製靚餸。

為仔呷醋

王宗堯撩 Chole上門煮飯仔, Ruby呷醋到出面,仲留言寸 Chole:「小心吃壞身子」。

出門散心 今年 11月

近日 Ruby去歐洲散心,自言去旅行是為了令自己「沉澱」,又表示會為自己的人生負責。

周永恒介入分手

王宗堯經常與戲中拍檔撻着,拍《喜愛夜蒲》時,曾撻着 Da Da。

「舊年年尾, Ruby見喺港視發展一般,打算自己開 model公司發圍,機緣巧合之下就識咗 Roy(周永恒),兩個因為合夥搞公司而搭上。之後 Ruby咪同 Greg攤牌分手囉,搞笑係後來 Ruby被傳媒踢爆做小三, Greg至知自己死因。」

女死女還在,王宗堯話咁快已經回復心情,繼續漁翁撒網式溝女。王宗堯不時在 Instagram撩女返歸「試菜」,獵物一籮籮。

就暗溝 Ruby,本刊致電向王宗堯求證。他初時扮懵,及後才承認是「好耐嘅事」,他亦坦言話識煮嘢食易冧女。

記︰呢排榮升男神,係咪好多女埋身?

王︰最近冇呀,都係公司同事。

記︰你係入得廚房,出得廳堂嘅男仔,係咪容易吸引女仔?

王︰都會㗎!講真,男仔識煮嘢食係優勢嚟,當然我遺傳爸爸嘅手藝。

記︰影到你同 Ruby行街,你哋拍拖?

王︰好耐咯……

嗰時大家一齊喺港視,一齊去睇首映。朋友啫!

記︰同 Ruby玩煮飯仔,仲揀大牀?

王︰買嘢食同買嘢飲啫。

記︰點解會爭輸俾 Roy(周永恒)?

王︰好耐㗎嘞!(停頓)內情真係唔知!

蜜遊超市

行完宜家,兩人再行超市買餸。揀調味料時,王宗堯十分認真。

王宗堯想買長麵包, Ruby挨住王宗堯膊頭一齊揀,情侶 feel出晒嚟。

Ruby亦有在網上晒當日的購物照。

為舊愛講好話

記︰同 Ruby有冇聯絡?覺得佢個人點?

王︰冇(聯絡)喇!覺得佢都 OK!我哋好多共同朋友。呢個女仔都幾靚,大家又喺港視,都有傾吓偈嘅。

記︰覺唔覺得份感情冇咗好可惜?

王︰哎……冇嘅……呢啲嘢……其實人同人之間……緣份嘅嘢好難講,或者佢哋( Ruby同周永恒)好開心呢!

花心唔緊要,最緊要口密兼有口德。昔日對嫌佢窮的女友 DaDa,他會說︰「大家追求嘅嘢唔同」,更讚對方「有義氣、對朋友好」。今日對寧做小三狠撇他的舊愛 Ruby,亦大方雪中送炭,難怪多女埋身都未試過出事。

至於女主角 Ruby就透過短訊,直認當時同王宗堯發展中。她表示:「王宗堯當時話想大家了解吓。係咪溝我?就要問番佢不過之後大家好忙,少咗聯絡。」

而周永恒就連電話都 cut埋,至截稿前仍未聯絡得上。

追女有計

《蘋果日報》圖片

追女追到入超市,對王宗堯來說已不是第一次。他亦曾被傳媒發現同「浸大 E神」 Carol到超市入貨。

廚神食女大法

入廚房已經唔再係女人專利,王宗堯都經常 post自製嘅美食在 Instagram吸引𡃁模,佢仲多次邀請靚女上門試菜,難怪咁多女死喺佢手上

話明放縱

當有靚女稱讚王宗堯自家製美食時,佢就打蛇隨棍上。試過以上門試菜及玩貓為名,約𡃁模 Yoyo上樓,仲話明要放縱( hang out),明白晒

撩女上門

當知道目標 Jackie返咗香港,王宗堯即時約對方上王家「煮飯仔」。王宗堯性急一面出晒嚟。

聖誕大餐

去年 boxing day,王宗堯就約靚女模特兒 Josephine,去舊式西餐廳金雀食聖誕餐,夠晒好情調,果然識冧女!



鍾意就快D Share啦!
Related Posts Plugin for WordPress, Blogger...