掃呢頁CODE去手機

2014年12月12日 星期五

[忽然1周 - 1011] 亞視打算執笠同員工攬炒? 亞視,MW,




「六合彩之子」蔡國威話自己每日都睇戶口,知道仲未出糧,話擔心都冇用:「每個月有好多人關心,問我出糧未?唔希望呢樣嘢成為亞洲電視嘅特色囉!」

媽咪姐

亞視打算執笠同員工攬炒?

大台叫班星北望神州,亞視就以行動要求員工有難同當。睇吓佢每隔幾年轉一次手,大陸老闆揸 fit人王征又領導有方,搞到 9月嗰陣,因為資金周轉有問題,拖遲成個月先出糧。

依家又到 11月出糧冇影,班員工真係驚都冇用!媽咪姐仲聽到話亞視已打定輸數不獲續牌,又搵唔到投資者買盤,加埋周一( 8日)法庭判台灣旺旺集團主席兼亞視股東蔡衍明勝訴,將委獨立監管人入董事局。故此,據說敗方班老細唔打算出糧,等清盤。咁樣搵員工笨,良心電視台喎∼

等開庭前,港九工團聯合總會代表去高院示威,要求亞視快啲出 11月糧俾旗下 900名員工。

平時好多嘢講嘅亞視執行董事葉家寶,上周仲講緊要同員工有個交代。但周一上完庭,冇晒聲氣。



鍾意就快D Share啦!