掃呢頁CODE去手機

2014年12月12日 星期五

[忽然1周 - 1011] 嘩!陳惠敏贈興 陳惠敏,MW,




68歲嘅陳惠敏做過黑幫大佬,拍過無數電影,見盡江湖風雨,難怪咁多料爆嘅。

媽咪姐

嘩!陳惠敏贈興

玲開開心心搞生日,估唔到行走江湖、影壇多年嘅陳惠敏,忽然向內地傳媒大爆娛樂圈秘聞,話 90年嘉玲遇劫被帶走,並唔係傳聞所講電影公司老闆想迫佢拍戲,而係有啲食白粉嘅爛仔見到嘉玲揸靚車,撩撩吓,決定落手打劫兼影相。







一直有傳劉華喺八、九十年代因為俾黑幫威脅,所以拍咗唔少爛片。

嘉惠敏哥仲話自己識嗰幾個爛仔嘅「大佬」,所以出手擺平件事,攞番啲相俾偉仔㖭。吓?係真唔係呀?

跟住佢提到傳聞話劉德華俾黑幫揸手槍脅持拍戲係真事,「全部警察都知」!只係華仔無報警。自稱早就做番正行嘅惠敏哥,又好大膽咁爆話香港 7成演員都食過大麻,叫成龍唔好太怪責祖名㖭。嘩!啲料咁勁爆嘅,媽咪姐都自愧不如呀。

周三( 10日)晚,嘉玲出席雜誌頒獎禮,好大方回應惠敏哥再提佢被綁架嘅舊事,「唔動氣。我人生經歷好多考驗,係發生咗就係發生咗,未來可能仲有好多考驗同功課,我都會去接受。(咁惠敏哥講嘅版本係咪真?)因為我講乜嘢,大家都係有自己一個版本,佢有佢出嚟講,而我要解釋嘅,要講嘅,都已經講晒。」嘉玲好堅強呀,媽咪姐撐你!



鍾意就快D Share啦!