掃呢頁CODE去手機

2014年10月22日 星期三

[FACE - 387] 舊老細拉線 專釣大叔 成龍神秘契女吳若希升呢住豪宅 吳若希,成龍,MF,




16/10

上週四( 16日),吳若希跟前經理人 Simon一齊在尖沙咀海運大廈 I.T shopping,若希 BB仲全程拿着部土豪金 iPhone 6。

封面

舊老細拉線 專釣大叔 成龍神秘契女吳若希升呢住豪宅

堂堂籃神,竟然有疑似自瀆片段裸聊未成年少女流出,上週《 FACE》踢爆南華得分王劉子健球場外另一面後,正式被南華停賽一年,為一時之快毀大好前途!

籃神陷入人生低潮,最絕情莫過於緋聞女友吳若希戴頭盔劃清界線。本刊發現,報稱 22歲、入行年資僅僅 4年,吳若希最近離奇跳級入住月租近四萬何文田豪宅、又以 80萬全新 Range Rover代步,富貴過好多天后同花旦!原來吳若希全靠有個前經理人「爹哋」搭路廣結貴人,其中猛料貴人係成龍,更傳收咗吳若希做契女!區區一個「籃神」密友落難, who's care?








自稱現年 22歲的吳若希,出道四年憑一對長腿同酷似日本 AV女優羽田愛,迅速晉升成為高登女神。不過今時今日遍地都係女神,空有女神朵對吳若希半紅不黑的演藝事業毫無幫助,反而亂噏「佔中」阻塞交通,再加因為密友籃神涉流出自瀆短片、自己再連環爆出疑似整容、報細數及床照,人氣「急升」。其實唔只甜美純情女神形象係假象,工作有限不過升呢無限住豪宅揸豪車,其背景及置富方法一樣耐人尋味。

網傳啜相

繼自拍床照後,忽然再有同前男友啜啜相流出,若希 BB仲咀得好肉緊。

網上圖片

吳若希把口崿過油,除了叫 Simon做老豆,亦稱呼現任經理人何哲圖做「爸 B」,中佬好難唔冧!

吳若希首〈愈難愈愛〉喺𡃁界算 hit,聽講大台有意將此曲推為今年金曲金獎,唔係啩?

80萬新車

出道四年一直穩守三線歌星位置,年初因為所屬唱片公司星煥改組,吳若希變骨頭半賣半送過檔大台成為旗下藝人,唱過唔少劇集主題曲,表面上身兼歌手演員又係主持,不過大台出手有幾高眾所周知。以吳若希身份地位,最近忽然搬至何文田君頤峰獨居,每月負擔近四萬月租; 11年至考到車牌,座駕卻火速與楊怡睇齊買入同款 80萬 Range Rover。吳若希雖不停在個人社交網路宣揚拍攝大台劇《倩女勾魂》忙到一頭煙,實情吳若希戲份有限街照行、朋友照見。上週四便約埋熟男行街 shopping兼食飯,生活好寫意。

豪掃衫

買到幾大袋, Simon亦主動幫手拎晒,吳若希唔使勞動,唔知邊個畀錢呢?

歎小籠包

行完街買完嘢, Jinny同 Simon去食小籠包,二人有傾有講好開心。

同車走

吳若希座駕市值 80萬, Simon話係老友借佢揸,之後由吳若希揸車載埋「老豆」返何文田。

四級跳

吳若希入行 4年,成功由荃灣搬至九龍私樓,再搬去大坑,最近終於進駐何文田一線豪宅, 22歲女真係勁!

至近月再搬至何文田君頤峰,據知月租近 4萬。

入行初期曾搬至土瓜灣私樓傲雲峰,踏出升呢第一步。

《蘋果日報》圖片

由福建來港初期居於荃灣,並於廖寶珊中學讀書。

「老豆」與契爺

吳若希在微博稱熟男為「老豆」,其實對方正是他入行時的經理人 Simon戴榮添(戴曾是已結業的 M8娛樂公司揸弗人、簽過許志安), Jinny的經理人合約雖然早賣斷給星煥,不過二人依然關係密切。

唔只笑容甜過人, Jinny把口更加𠺘過油,除叫前經理人叫「老豆」、現任星煥老闆叫「爸 B」外,還有圈中猛人做契爺。幕前工作有大台及星煥接洽,吳若希的其他搵食項目包括向內地發展,仍然不少由 Simon牽線。有人向內地老闆推薦愛將時往往不忘交待一句「 Jinny內地人脈好勁,唔使你哋擔心」,當被問到原因時,有人宣稱「因為佢契爺係大哥成龍」。

床照、整容、成龍契爺等等傳聞一概否認, Simon話唯一真嘅係近日網上流傳的啜相。

20/10

周一( 20日)吳若希去 Dior買大袋嘢,明知大棚記者跟住,都堅持去提款機㩒 cash俾錢,全程 20分鐘,吳若希全程笑住口,睇嚟冇受傳聞影響。

吳母:唔理佢呢啲嘢

官方網站指吳若希在福建出生、荃灣長大,入行全靠 15歲唱 K巧遇經理人,被發掘後秘密練兵兩年推出樂壇。表面生於普通人家、後台欠奉更加與成龍完全沒有交接位,偏偏 08年汶川大地震,成龍叫不出全場新人名字唯獨認識吳若希、年初成龍六十歲大壽,出席人士非英皇歌手即資深圈中人,亦唯獨吳若希一個後輩有份,難怪外傳吳若希同成龍關係非一般。

周一記者致電,自稱睇住吳若希大嘅 Simon逐一否認:「我做呢行唔係短時間,係介紹都係介紹電影人、音樂人俾 Jinny識,呢樣嘢我咁多年都好清晰好乾淨。 Jinny十五歲就簽俾我,係佢識成龍亦都唔經過我、據我所知亦唔係大家講到咁熟。佢架 Range Rover車主係我朋友,因為 Jinny架車壞咗借俾佢揸啫(揸足 3個月喎),而何文田嘅豪宅,根本就係細單位,唔夠一千呎(其實最細單位建築面積都有 1,011呎!),月租肯定冇四萬咁貴。呢排多咗咁多嘢攻擊 Jinny,佢有搵我傾過,但係根本樣樣都會不攻自破!」至於女主角吳若希,就將手機駁回家,由吳媽媽接聽,對於女兒近期負面新聞,吳媽媽一律話:「唔理佢呢啲嘢!未睇過!」

今年 4月成龍在港舉行六十壽宴,除了資深藝人及英皇上下,最離奇就係唔同公司嘅三線歌手吳若希都有份。

年頭跟星煥大隊簽約大台,吳若希因為 Herman關係,獲老闆老婆余詠珊特別照顧,劇接劇的她最近要錄音、拍劇兩邊走。

緋聞男友劉子健上週捲入裸聊及自瀆醜聞更被停賽,吳若希即時劃清界線話二人屬普通朋友少聯絡。

網上圖片

16歲超扁面三點式

一批 08年激平三點式流出,除咗身型同外貌跟如今都有好大分別外,當年操刀的龍友攝影師更被𡃁模界狂唱,希望若希 BB冇中招

變靚晒

15歲唱 K被前經理人 Simon發掘,秘密練兵兩年出道, Simon堅決否認 Jinny曾經整容:「要整都整個包包面先」

傳報細數

來自福建的吳若希原名吳嘉妮,當時花名叫 Curry,有傳她只讀到中四便停學;更有指她年齡大過 22歲,為入行才報細數,連生日日期亦同官方公布不同。

經典假人

《蘋果日報》圖片

今時今日網民眼光最雪亮、人肉起底話咁易,歌手藝人出道講大話前真係要諗清諗楚!香港娛樂史上有個人辦諸葛紫岐,俾人起底起到返加拿大!

假身份

自稱族譜記載之第 63代諸葛亮後人,後被專家篤爆諸葛族譜絕無筆錄女性後人之先例。

假學歷

自稱喺卑斯省工業學院讀室內設計,該校職員查證後書面回覆從未有 Zhuge Yisu或 Marie Zhuge及相似姓名學員登記資料。

假年齡

自稱 83年出世現年 31歲,實情在舊社交網站填上出生年份是 81年,不過亦有人爆料指諸葛 79年出生。



鍾意就快D Share啦!