掃呢頁CODE去手機

2014年8月20日 星期三

[FACE 378] 姣勻電視城堆填區 蔡思貝大隻舞男(麥秋成)同居 麥秋成,蔡思貝,MF,




麥秋成同蔡思貝雖然年紀相差 12年,但兩個都係運動型,外形相當合襯。論條件分分鐘好過鄭俊弘同崔建邦。

封面

姣勻電視城堆填區 蔡思貝大隻舞男同居

23歲港姐亞軍蔡思貝當選未夠一年,除咗被大台力捧劇接劇外,亦深受大台小生愛戴,先後傳出同鄭俊弘拍拖,又傳被崔建邦睇中,不過統統都撻唔着。真正得到女神的,其實係 35歲《狂舞派》舞蹈總監麥秋成。

二人撻着 3個月,蔡思貝冇因港姐身份而偷偷摸摸,反而愛得高調。上週五( 15日)出席完活動後,即由麥秋成揸 Benz送返電視城開工;而為見多男友幾面,蔡思貝更搬離杏花邨娘家,與拍拖僅 3個月的男友,喺堆填區新樓住埋。







上年港姐亞軍蔡思貝( Sisley)自 13歲開始先後於新西蘭及德國留學,性格似鬼妹多過似港女,參選時亦憑爽朗性格跑出。蔡思貝本身亦愛得大膽,曾於 facebook公開同老外拍拖時期的合照。靚女又爽自然令男仔嗒糖,蔡加入大台唔夠 1年,便先後傳出同鄭俊弘拍劇撻着,又傳被崔建邦睇中,但原來全部冇發展,真正將女神追到手的,係現年 35歲的《狂舞派》舞蹈總監麥秋成。

15/8

男友都算細心,唔係喺電視城附近揼低女友就算,麥秋成落車送到蔡思貝去大台閘口先走,估唔到香港都有暖男喎!

蔡思貝以前同父母住喺杏花邨,但本刊上月就拍得佢已搬到將軍澳黐近堆填區嘅峻瀅,而麥秋成車牌報住地址亦是峻瀅。

蔡思貝現忙拍新劇《衝線》,第三套劇已經係女一,劇中同羅仲謙談情。

去荃灣出席完活動,蔡思貝撇甩班大台同事,急急腳離開,原來男友麥秋成已揸定架 Benz等佢。

送上門學舞撻着

雖然麥秋成知名度未及一眾小生,但在舞蹈界無人不識。除跳得外,麥秋成靚仔又大隻,仲開舞蹈學校「 Neverland Dance Studio」,年輕有為,絕對襯得起港姐。

Regen暗戀:麥秋成係筍盤

蔡思貝男友麥秋成,知名度唔及蔡思貝,但喺舞蹈界都頗有名氣。除咗係《狂舞派》舞蹈總監外,本身亦有開舞蹈教室。早前參加《中國好舞蹈》,仲獲評判郭富城激讚,加上靚仔又大隻,而佢嘅前度 Regen更讚佢係筍盤。

麥秋成為《狂舞派》舞蹈總監,顏卓靈、蔡瀚億嘅舞步都係由麥秋成一手一腳教出嚟。

網上圖片

麥秋成 5月時參加《中國好舞蹈》,期間表示 10年前為郭富城伴舞,而當晚評判之一嘅郭富城亦大讚他。

網上圖片

有傳 Regen張惠雅曾經同麥秋成拍拖。不過 Regen就話:「我喺細細個已經暗戀佢㗎喇!但我冇同佢拍過拖,呢啲機會不屬於我,不過係人都知佢係筍盤。」

網上圖片

雖然蔡思貝和麥秋成於幕前從未合作,但原來今年初,蔡因為搵麥秋成教跳舞而認識,約 3個月前撻着拍拖。今年 7月, 2人被影到同車,但蔡當時死口唔認拍拖。

上週五( 15日)蔡思貝出席完大台宣傳活動後,先坐 24座小巴到藍田。表面上同一眾同事落車,但一個屈尾十,即行去避車處,原來男友麥秋成已揸住新車價達 62萬的平治 CLK280等緊佢。蔡思貝一見男友即跳上車,男友隨即駛去電視城。送女友到電視城後,麥秋成仲專登落車陪着蔡思貝行到電視城門口。咁細心體貼,難怪奪得蔡思貝芳心。

小生狂溝

蔡思貝當選冇耐即拍劇,處女劇係《牛頭唔搭馬嘴》,劇中同鄭俊弘談情,有傳二人戲假情真。

除咗拍劇外,蔡思貝亦多做綜藝節目,其中拍《瘋狂夏水禮》就有傳崔建邦睇中,仲係人面前扮英雄喎。

鍾情老外

當年 20歲蔡思貝喺德國留學,同過立陶宛籍男友 Deividas Puplauskas拍拖兩年多。

回港當選港姐 N軍後,蔡思貝依然鍾情老外。上年 10月就拍得佢同一外國男友拍拖,其間更去到元朗散步。

騎乘春光

為拍以踩單車為題材的新劇《衝線》,蔡思貝早前便接受單車訓練。踩踩吓更愛上單車,喺又臭又大沙塵嘅環保大道踩埋單車返工。好似蔡思貝咁踩單車露底,係咪好誘惑呢?但如果係強國人你就話娘㗎喇!呢個畫面,其實真係好似意大利電影《 Frivolous Lola》。(港譯:《不知不覺誘惑你》)

露底踩車開工

而蔡思貝更於上月搬到男友將軍澳峻瀅寓所,與男友同居。週日( 17日)蔡思貝只開夜班,期間更自己踩單車返工。由於在外國長大,當日蔡思貝亦冇理途人目光,着住超短沙灘短裙踩單車返工,飛馳中不時露出黃色內褲,呢招不知不覺誘惑你,唔怪得引到麥秋成同一眾小生暈晒大浪。

招兵 4招

蔡思貝樣靚、身材正、性格又爽,多男仔想追係好正常。

喺大台想引死小生,其實唔係咁難,蔡思貝就係用以下 4招成功顛倒眾「生」。

鬼妹性格

總之一見到仔就搭晒膊頭多啲身體接觸,自然上釣。

逢仔電

無論小生高層定係老臨,總之見到男仔就露出對 bling bling眼,對方唔暈都幾難。

唔識中文

最緊要扮唔識睇中文,就算識都要扮唔識,等啲小生有理由埋你身教你讀劇本。

最緊要靚

咁多招都係嘥氣,其實最緊要係靚,你靚其實啲仔就自然埋身

星星 like爆堆填區



將軍澳堆填區雖然經常被指空氣差,但近年愈來愈多星搬入居住,由大台一姐楊怡,到歌壇阿哥周柏豪,甚至 3線蔣家旻,都全部搬入堆填區。原因? 2分鐘車程返到大台,咁方便邊度搵?



鍾意就快D Share啦!