[忽然1周 962] 谷底博反彈 捱掌摑被扑濕 陳山聰倒貼開工 山聰,陳山聰,MW,

勞力士藍針 GMT炒價約 9萬元

12月 21日陳山聰現身中環荷李活道一酒吧，為新片《奇緣灰姑娘》進行拍攝，他承認現在是其人生低潮：「我會靠自己努力，一步步企番起身。」

娛樂喧

穀底博反彈　捱掌摑被撲濕　陳山聰倒貼開工

去年 4月陳山聰被何超雲狠撇後，為了洗底搣甩「四失聰」的汙名，早前不但積極跑步瘦身，還與無綫傾掂數續約 3年， 1月復工拍李添勝清裝新劇《官場浮世繪》。

為博穀底反彈，據知陳山聰早前更𢱑撈拍電影，在鄭中基主演的《奇緣灰姑娘》中客串二世祖一角，仲唔收片酬㖭！現場探班所見，陳山聰出動全身私夥衫，手戴價值九萬的名錶，即使身光頸靚，仍要被對手掌摑和打到爆缸。陳山聰倒貼都肯制，無非都係求一個演出機會。

其他影片

鄭中基收到老婆餘思敏密令，唔可以同陳山聰同場，故兩場對手戲都搵替身頂上。

37歲的陳山聰，自從與何超雲分手後便修心養性，雖然做過白領打工仔，但最後還是做回老本行。近月消脂成功的他變回 fit爆小生，準備返娘家無綫拍劇收復失地。

客串電影閒角

外界一致認為陳山聰「失雲」後頓失靠山，學人做打工仔全為錢，不過最近他積極回歸娛樂圈，竟然不收分文拍電影。據知情者透露，「山聰最近𢱑撈拍嗰套電影，話冇片酬都拍。個角色係做乞人憎二世祖，佢喺電影圈係新人，雖然只得三組戲，但志在有得參與。劇組知佢注重外表，同佢講啲衫可能唔啱佢 style，提議佢自己準備批衫。結果山聰襯好曬，全部私夥上陣。監製最後俾咗封利是佢，當車馬費囉！」

純為演戲唔要錢的陳山聰， 12月 21日拍攝其中一場被爆樽撲濕戲。現場所見，陳山聰七情上面，看來早前他跟老師學戲的確有幫助。發現記者後他亦表現得非常親民，有求必應，換轉昔日沉醉於「雲山戀」的他，絕不會坐定定做訪問。陳山聰還親自解釋當日所拍的戲份，「今日拍第二組戲，講我俾鄭中基撲穿個頭，不過佢今日嚟唔到由替身代替。個道具玻璃樽係用糖膠做嘅，遲嚇會補拍鄭中基撲我嗰個鏡頭。而下一場就會講我向鄭中基報仇，到時就輪到我 call馬撲番佢。」

認真對稿

這場戲講述二世祖陳山聰被鄭中基撲濕後爆曬缸，由 CID森美負責幫佢落口供。事前兩人認真地對稿。

玩自拍

森美與陳山聰早年已相識，二人一見如故，還不停研究跑步經，森美還笑稱：「唔開心囉！陳山聰跑得快過我，我跑 10K要 57分，佢快我足足 10分鐘呀！」之後兩個大男人仲玩自拍。

爆缸現筋

到正式拍攝時，陳山聰七情上面現曬青筋，交足戲。

鄭中基避同場

據知與他演對手戲的男主角鄭中基當日沒有現身，由替身代替，原來別有內情。知情者透露：「 Ronald擺到明唔想同山聰做對手戲啦。表面話冇期，實情係 Ronald老婆餘思敏一早下令，叫老公唔好同山聰同場，免得益咗對方有機會見報。餘思敏同山聰冇仇冇怨，佢只係同超雲有幾分交情啫！估唔到 Ronald真係咁聽老婆話，之後嗰場俾山聰追打戲佢都唔會出現囉！」

為應付下月的馬拉松賽事，陳山聰一星期跑足 5日，先前以 47分鐘完成澳門 10K賽事，希望到 2月馬拉松時會有更好成績。

上月陳山聰被本刊影到跟餘俊峰導師（小圖）急補咗幾堂後，演技明顯有進步，陳山聰仲話開劇後仍會繼續上堂。

私夥潮錶撐場

陳山聰除了往日氣焰全消外，一身打扮依舊官仔骨骨。初時還以為他會周身名牌，但記者一問之下竟然全是平民貨色，「其實我好環保，屋企有好多衫都著好耐，好似今日身上呢件米色 American Apparel V領上衣，就已經著咗 8年喇！」他指自己全身打扮都只是 ZARA和 H&M的幾百蚊貨仔，唯獨是皮鞋相對貴少少。當日陳山聰腳上的「 Louis Leeman」豹紋鞋，是他網購回來，盛惠三千元，全身加起來都不過五千元，對比昔日萬萬聲，今天的衫褲鞋襪平民得多。

記者上下打量陳山聰時，瞄到他的手錶是坊間熱捧的藍針勞力士，去年中推出即賣斷市，炒價由 6萬元升至 9萬元一隻。沒有強勁女友做後台，陳山聰行頭亦不弱，可想而知他並非窮到冇飯開。他更向記者表示希望努力工作，儲錢快點置業。

去年聖誕

去年的聖誕、除夕 Ball，陳山聰與何超雲出雙入對，今年陳山聰形單隻影，孤獨過節。

返娘家演大奸角

陳山聰與馬國明和楊怡在新劇中有很多對手戲，面對視後視帝級人馬，陳山聰真係要加多把勁演出先得咯。

今次有幸重返無綫娘家，陳山聰賣身三年，一月尾便開拍金牌監製李添勝新劇《官場浮世繪》。講起再拍劇，陳山聰好興奮，「今次係第一次同馬明合作，我做佢同父異母嘅大佬，最後我為勢所逼，明爭暗鬥由忠變奸到兄弟決裂。當中有好多內心戲，今次有咁好發揮演技嘅角色，真係要多謝添哥同珍姐。我為咗快啲上手，想開拍時大家夾啲，所以之前專登去上堂學戲 warm up嚇，希望到時快啲投入到。」

其他影片

鍾意就快D Share啦！

下一篇 》