2013年12月25日 星期三

[FACE 344] 大翻案 影圈大佬強姦藍潔瑛 曾華倩:志偉好關心佢! 志偉,曾華倩,藍潔瑛,曾志偉,MF,




藍潔瑛自精神出現問題後,不時被拍得踎街煲煙、大吵大鬧,住在附近的街坊都敬而遠之。在最近的訪問片段,藍潔瑛更說曾割脈自殺,非常慘情。

真面目

大翻案 影圈大佬強姦藍潔瑛 曾華倩:志偉好關心佢!

藍潔瑛講嘢仲有冇人信?

最近一段訪問片段,藍潔瑛驚爆自己二十多年前,曾遭兩名影圈大哥強姦。訪問以國語進行,藍潔瑛對答有紋有路,全城競猜被「嘟」名的兩位大哥,網民齊齊翻舊帳;反而圈內人士異常冷淡,成龍在北京被追問時說「一言難盡」,義氣仔女「演藝人協會」至今仍未表態,而今年 10月已辭去「演協」會長、最愛為藝人出頭的曾志偉,嘉玲表示只有「佢先入到藍潔瑛的世界」。與藍潔瑛仍有聯絡的圈中好姊妹曾華倩,則對本刊坦言好心痛,問到有否找志偉幫手,她說:「志偉好關心佢!」

上月底,忽然傳出 50歲的藍潔瑛失蹤,上週更爆出 20多年前曾被影圈大佬強姦報道。本刊多次走訪赤柱馬坑村,有街坊表示今年八月底曾見過藍潔瑛上白車進院,而鄰居就指在兩星期前,有社工家訪兼幫藍潔瑛翻新屋企油漆,而記者發現,藍家的鐵閘亦有撬壞痕跡。

當年「靚絕五台山」在娛樂圈非常吃香,藍潔瑛這個痛苦自白,令人驚覺 90年代娛樂圈的黑暗一面。

「好心痛見到佢咁!」

上週三( 18日),與藍潔瑛屬同期訓練班兼「九龍女」的劉嘉玲出席活動,表示非常擔心藍潔瑛,嘉玲說︰「我已經搵唔到佢,接近佢少少係志偉同苗僑偉,我都係由佢哋口中知道少少消息。呢個任務交畀志偉,佢係高人,識用方法化解、入到佢嘅世界。」

至週六( 21日),本刊致電曾華倩,她表示未有認真看過報道,但愈講就愈激動,她說︰「我冇喺佢口中聽過,唔知真定假,冇得猜究。咁多年朋友……曾經真係好 close……好心痛見到佢咁。」曾華倩說未有方法聯絡藍潔瑛,所以唔方便評論,「希望唔係真!(有冇叫志偉幫手搵佢?)志偉好關心佢,其實我哋幫佢做過咩都唔想公開交代。」

至於最後一次見藍潔瑛,曾華倩說已經唔記得,但年前藍潔瑛曾經打過電話畀佢,「佢主動打畀我,冇咩特別,我提佢記得食藥,佢仲話『有呀有呀』,唉!其實咁多年關於佢嘅報道,我真係覺得好愛莫能助,不如大家唔好騷擾佢,佢可能喺自己嘅世界可以開心啲,真係希望大家高抬貴手。」

本刊亦致電 91年有份拍攝《五虎將之決裂》的苗僑偉,他表示沒有看過報道,問他近年可有與藍潔瑛聯絡,他說︰「冇聯絡!𠵱家拍緊嘢,唔方便講。」咦!嘉玲姐又話三哥、志偉同藍潔瑛最 close嘅?

上週三,蕭若元更呼籲曾志偉陪同藍報警,「 20多年前都有得報番(警),睇嚇到時邊個口供可信㗎咋!」

交畀志偉,佢入到佢嘅世界!(真實對白)

強姦傳聞出街後,上週劉嘉玲出席活動表示很擔心藍潔瑛,但近年只能從曾志偉和苗僑偉口中知道對方的消息。

圖片

04年曾探病

曾華倩和藍潔瑛同期出道,兩人一齊主持《 430穿梭機》,有傳藍潔瑛最潦倒的時候,曾華倩有出手接濟。 04年藍潔瑛入院,曾華倩和吳君如亦有探病。《蘋果日報》圖片

有關藍潔瑛自爆被強姦一事,本刊致電「演協」秘書長陳芷菁,但至截稿前仍未回覆。而今年 10月已辭去會長一職的曾志偉,據知這幾年都有與藍潔瑛聯絡。

街坊證冇影

「上一次見佢已經係暑假,佢成日喺公園大叫,近排冇聽佢把聲,聽講送咗入醫院。」

「我住佢樓上,成日會聽到佢大叫,已經當佢係人肉鬧鐘,有時 2、 3點就俾佢嘈醒,近排唔見佢。」

志偉去咗邊?常平 6女陪坐

三哥話冇聯絡,報道出街後,志偉亦沒有開腔。不過,有讀者提供 2張照片,在 11月期間,志偉於東莞常平一間夜總會的照片。照片似是手機拍攝,男的除了志偉和另一中年男士,其餘 6位清一色長髮女子,全是艷妝短裙毛毛衫,以為拍緊《金雞 SSS》。

讀者提供的照片中,飲到面紅紅的志偉似乎玩得好 high,照片所見,同枱至少有 6名女子,枱面上有啤酒亦有骰盅。

時好時癲

藍潔瑛曾經被封「靚絕五台山」,不過情路坎坷, 92年拍攝《大時代》後,有指藍無法抽離角色,加上父母相繼去世,令她大受打擊,自此瘋癲人生。

00年大鬧機場

5月被發現在加拿大機場出現,又再次大吵大鬧,被關進當地列治文精神科病房,直至同月 27日胞姐趕到。

《蘋果日報》圖片

04年 1月報稱自殺

在西貢打壕墩住所報警稱自殺,大批記者到場,藍潔瑛表示屋企有「邋遢嘢」。

《蘋果日報》圖片

04年 5月忽然正常

為《心晴行動抗抑鬱》籌款騷綵排,雖然面對鏡頭有些生硬,但藍潔瑛又忽然正常,問她有沒有睇醫生食藥,藍潔瑛表示已經好耐都冇食,仲寸記者搞壞形象,藍潔瑛說:「佢(林建明)之前睇過我報道,仲驚我會上台『標童』,都係多得你『支持』我,將我印象分壓到最低。」

07年浴袍夜遊

多年來藍潔瑛行蹤飄忽, 07年 2月,晚上穿上浴袍在上水遊蕩,最後又要街坊報警。



鍾意就快D Share啦!
Related Posts Plugin for WordPress, Blogger...