掃呢頁CODE去手機

2013年12月20日 星期五

[忽然1周 960] 𠱁女友入股食肆 容祖兒劉浩龍爆冷戰 容祖兒,劉浩龍





為錢擘面

劉浩龍因女友唔肯注資其餐廳發難,容祖兒嬲到個幾月無睬男友,二人處於冷戰狀態。

娛樂喧

𠱁女友入股食肆 容祖兒劉浩龍爆冷戰

容祖兒去年與劉浩龍拍拖以來,一直女尊男卑,男方經常被指使女友錢,搬豪宅、換靚車、密密去旅行,不過躍升億萬富婆的容祖兒唔介意揮金𠱁仔。

今年九月,劉浩龍進軍食肆,與範振鋒在灣仔合資「嵐喬」日本料理店,以平靚正及明星效應做招徠。但本刊收到消息,上月中,劉浩龍曾私下向女友表示新店生意麻麻,又指有意請日本師傅來港做大廚提升食物質素,遊說容祖兒注資 60萬。

向來對男友手鬆的容祖兒,今次卻因容媽的勸告而拒幫,二人因此為錢銀拗撬。容個多月來更以籌備個唱為由,唔聽唔覆劉浩龍電話及 WhatsApp,冷戰宣示不滿。

容祖兒的聖誕跨年演唱會將於周六( 21日)舉行,狂操肌跳舞的她進入最 fit的作戰狀態。日日 post排練相的她,忽然在上周三( 11日)下午,放了自己練唱的〈華麗邂逅〉歌詞上網,原本歌詞講好 sweet的戀人邂逅,但她偏偏揀了最負面的一句寫出來:「錯過了你,我需要有記憶嗎?」即惹來數百 fans揣測她是否感情出現問題。

綵排唔提男友

周一( 16日)下午,容祖兒在九展排舞,提到節食,她自爆發開口夢都掛住食。當記者問她是否男友告知她發開口夢時,她即斬釘截鐵說「不是」,刻意與男友保持距離。

微博露玄機

上周三( 11日),容祖兒忽然上載〈華麗邂逅〉歌詞,更寫著:「錯過了你,我需要有記憶嗎?」不少 fans估計 Joey感情出問題,留言安慰。

揼六位數開日本餐廳

最後轉載
據知,容忽然上載有寓意歌詞上微博,是由於在上月中,她和劉浩龍嗌交所致。「其實 Joey的確為男友 down咗一輪,不過佢係工作狂,排練演唱會即刻生猛曬。佢哋依家仲冷戰緊, Joey唔聽男友電話,又唔理佢啲 WhatsApp,劉浩龍都好驚遲早搞到分手。」知情人說。

搞到冷戰咁大鑊,全因錢作怪。據知今年九月劉浩龍與範振鋒開設日本餐廳,開張時為壯聲勢,劉浩龍聲稱請來經驗大廚梁師傅坐鎮,店舖亦以平靚正作招徠,強調幾個人食四、五百蚊已可落樓,雄心壯志進軍食肆。

容媽反對
可是,本刊近日收到消息,該日本食肆開業頭一個月已入不敷支。上月中劉浩龍便以生意麻麻為理由,要遠道再請日本一級料理師傅到店內坐鎮。「浩龍對 Joey講生意唔係太好,想換個日本師傅,股東個個要泵水注資。佢本身開舖嗰陣已經揼咗一嚿錢出嚟,根本冇錢再揼,所以咪諗住打女友主意囉,𠱁Joey入股 60萬。講真, 60萬對 Joey嚟講係散紙嚟,佢最初都一口應承。不過返屋企同容媽傾開,容媽就同 Joey講,做生意要有白紙黑字,叫個女正式入股餐廳。 Joey即刻話唔可以,因為怕如果俾記者 check到又會話男友使佢錢。容媽就同 Joey分析,話唔加個名,賺蝕幾多冇人知,啲錢有出無入,所以投反對票。」知情人說。

容媽向來掌管女兒財政,而容祖兒亦覺母親所說不無道理,於是向劉浩龍說暫不注資,誰知男友立即發難。知情人透露:「浩龍話已經同咗其他股東講自己會有 60萬注資,所以就怨 Joey出爾反爾,兩個仲鬧起上嚟。 Joey覺得男友竟然為錢同佢鬧交,覺得佢無理取鬧,之後就無睬男友。」

為舖宣傳

近排冇嘢做的劉浩龍閒時落舖頭巡視,前日更相約「食版」記者做訪問宣傳,一心諗住搞旺個場。

董事無名

劉浩龍與範振鋒九月開日本餐廳,據知股東之一的劉浩龍早前已投資六位數,洗濕個頭的他,因冇錢注資,惟有𠱁女友科水。

勤綵排懶理男友

容祖兒近日以綵排個唱為由,拒絕與男友溝通。

Joey:「一過底線會爆!」

分開睇騷

容祖兒上星期去睇《左麟右李》演唱會, post了在後台與克勤和阿倫的合照。劉浩龍亦有前往睇騷,但就和女友唔同日子去。
二人個多月來進入冷戰期,劉浩龍期間不停 WhatsApp及打電話給女友道歉。但容一於少理,只顧排個唱,甚至上月尾容祖兒化妝師及劉浩龍助手結婚,二人在婚宴上碰面,女方也刻意避開劉浩龍。

除了在微博上載有骨歌詞,容祖兒近日在訪問中談到劉浩龍時,亦坦言覺得男友「曳」和頑皮,又稱自己是一個「好穩陣」的人,更說:「我這個人底線很低,但一過了底線我便會爆……」

看來劉浩龍要𠱁番女友,要加多幾「斤」肉緊先得啦!


鍾意就快D Share啦!